Itech 16 hasta 18 de agosto 2019, tokniuan omonechikojkej ompa Kigali Ruanda ika señas ruandés. Oajsitoj 620 uan omoapolaktijkej chikueyi tlen amo tlakakij.

Domingo omonechikojkej ome tekiuajkej: Jean Damascène Bizimana, ye tekipanoua itech Asociación Nacional para akinmej amo tlakakij ompa Ruanda uan Emmanuel Ndayisaba, ye secretario itech Consejo Nacional para akinmej mokokouaj. Noijki periódico Ukwezi okijto tlen omomachtijkej tokniuan domingo uan noijki itech Internet okijto kuali otlamachtijkej.

Se tlakatl tlen itoka Bizimana okijto: “¡Onechpakti ken omonechikojkej! Onikitak kuali omouikayaj akinmej amo tlakakij maski tlatlamantli inmialtepe. Tikintlasojkamatiliaj iTlaixpantijkauan Jehová porque kinpaleuiaj akinmej amo tlakakij. Tekiuajkej moneki ma tlachiakij nikan para ma kitakan ken kualtsin mouikaj uan para yejuan noijki ijkon ma kichiuakan”.

Yikipiaj kanaj ome xiuitl iTlaixpantijkauan Jehová okichijkej ome tlamantli miak ipati ika tlajtoli señas ruandés. Itech septiembre 2017 akinmej tlapaleuiaj Betel ompa Ruanda, yikin okinmachtijkej precursores tlen kimatij tlajtoli señas ruandés. Uan itech septiembre 2018 opejkej kintlajtolkopaj amatlajkuilolmej ika non tlajtoli.

Tokni Jean d’Amour Habiyaremye tlen tlapaleuia ompa Betel uan noijki omonechikoto, okijto: “Tiyolpakij tikmatiskej tlen yokichijkej ika tlajtoli señas ruandés, ken nin ueyi nechikol regional tlen omotokayoti ‘Tlasojtlalistli amo tlamisʼ, okiteititi tiiTlaixpantijkauan Jehová nochipa timochijchikauaj tikintlasojtlaskej nochtin uan noijki akinmej amo tlakakij”.

Nochi tlen kichijtokej tokniuan kiteititiaj Jehová kinteochijtok porque kinpaleuijtokej akinmej amo tlakakij (Salmo 67:1).