Ribut Dorian siti ari penusah ti pemadu besai ke nyadi ba Samudera Atlantik. Kena pagi Hari Minggu, 1 September 2019, ribut tu mangka Pulau Abaco ba begian utara Pulau Bahama, ke dikumbai ribut Kategori 5. Ribut Dorian tu ulih ngemedis, laban iya bepuput enggau lubah, angin iya kuat, lalu diseretaika enggau ujan bangat. Ribut tu meda mansa beberapa iti Pulau Leeward, Puerto Rico, enggau beberapa iti Pulau Virgin, tang nadai pengerusak nyadi.

Pampang opis Amerika Serikat agi terus ngumpul penerang, lalu ngemata sekalika ribut nya bisi ngachau bala menyadi kitai tauka reta tengkira pampang opis. Ba Pulau Great Abaco, bisi 2 iti eklisia enggau 46 iku penginjil. Nyentukka diatu, nadai riput madahka sida bisi bakal. Tang, kengka Palan Gempuru ba pulau nya abis rusak.

Ba Pulau Grand Bahama, bisi 4 iti eklisia enggau 364 iku penginjil. Nitihka riput keterubah, bisi 196 iku bala menyadi Kristian kitai dipindahka ngagai endur ti likun, lalu 22 buah rumah rusak, enggau 3 buah rumah abis rusak.

Sebedau ribut nya nyadi, pampang opis udah meri iring ngagai tuai ti ngabas sereta tuai gempuru menua nya. Semua bala menyadi diasuh pindah ngagai endur bandar, iya nya Nassau tauka endur bukai ke likun agi.

Aram kitai sama bela besampika bala menyadi kitai ke kena laban penusah tu. Kitai nemu, Jehovah tentu meda penusah sida, lalu deka terus ngeringka sida napi penusah tu.—Masmur 46:1, 2.