SEPTIEMBRE 20, 2019
SOUTH KOREA
Seoul, South Korea—2019 “Ti Ayat Saan a Pulos Agpatingga”! nga Internasional a Kombension
Petsa: Septiembre 13-15, 2019
Lokasion: KINTEX (Korea International Exhibition Center) iti Seoul, South Korea
Lengguahe ti Programa: Chinese Mandarin, English, Indonesian, Korean, Russian, Vietnamese
Kangatuan a Bilang ti Immatender: 60,082
Bilang ti Nabautisaran: 478
Bilang ti Delegado Manipud iti Agduduma a Pagilian: 6,076
Naawis a Sangay: Brazil, Czech-Slovak, Finland, France, Greece, Indonesia, Kazakhstan, Malaysia, Scandinavia, United States, Vietnam
Kapadasan: Kastoy ti kuna ni Choi Ji-woong, manedyer ti catering company, a nangisagana iti kanen dagiti delegado: “Imbaga ti maysa a trabahadormi a gapu iti daytoy a trabaho, nakitana a talaga a nakasingsingpet dagiti Saksi. Nangnangruna nga apresiarek ti panagiinnayat dagiti Saksi a Koreano ken ganggannaet uray no damoda ti agkikita. Kasla nasingedda nga aggagayyem a nagkikita manen. Adun ti inatenderak nga aktibidad dagiti relihion ngem nagmayat a kapadasak daytoy nga aktibidad dagiti Saksi ni Jehova.”
Kuna ni Ahn Seon-ju a board member ti Eutteum Tour Agency: “Nakitak no kasano kasingpet dagiti Saksi ni Jehova ken kanayon a nakaisemda. Isu a panagkunak, nasayaat no maipalagip kadagiti empleadomi a drayber ti bus a tuladenda dagiti Saksi. Idi damo, pampanunotek no apay a nakasingsingpetda, ngem bayat a makipagtrabtrabahoak kadakuada, nasdaawak idi makitak a talaga nga agiinnayat ken agririnnespetoda ken iyap-aplikarda ti isursuroda. Nasdaawak ta awan gayam ti sueldoda iti ar-aramidenda. Pinanunotko no kasano met a makapagbalbaliwak kalpasan a nakitak a dumdumngegda no agsasao ti sabali ken kanayon a nakaisemda. No adda gundaway, kayatko ti makipagtrabahonto manen kadagiti Saksi ni Jehova.”
Ni Kim Gyo-Shik, a management director ti Theme Park ti MBC Munhwa Broadcasting Station Dae-jang-geum, kunana: “Nagmayat ti aktibidad nga insagana dagiti Saksi ni Jehova. Uray no Katolikoak, nakitak ditoy no ania a talaga ti masapul a kababalin ti maysa a pudno a Kristiano. Naobserbarak ken dagiti trabahadormi nga agtitinnulong dagiti Saksi ken talaga nga organisadoda. Nakaim-imbagda iti sabsabali ken ipakadada pay uray ti kabassitan a banag nga usarenda iti pasilidadmi. Kasla maysaak met kadagiti Saksi ni Jehova. Ipagpannakkelko ida.”
Kakabsat a mangpaspasangbay kadagiti delegado iti airport a naggapu iti sabali a pagilian
Dagiti delegado a nakikadua kadagiti kakabsat iti panangasaba iti publiko
Kakabsat a babbai a mangpaspasangbay kadagiti sumangpet a delegado iti pagkombensionan
Delegado a mangpikpiktiur iti agina a taga-Korea
Dagiti immatender a dumdumngeg iti programa ti kombension iti Sabado
Kabsat a mangus-usar iti tactile sign a manginterpret kadagiti saludsod ti bautismo para iti kandidato a bulsek ken tuleng
Tallo a babbai a dumdumngeg ken aginotnotar bayat ti kombension
Ni Brother Stephen Lett a mangiparparang iti maudi a palawag iti Sabado
Piktiur ti innem a baptismal pool iti malem ti Sabado
Dagiti delegado nga agserserbi iti espesial nga amin-tiempo nga agpaypayapay bayat ti panagleppas ti maudi a programa iti Domingo
Kakabsat nga agpappapiktiur a nakabado kadagiti tradisional a kawes
Iti open house ti Bethel iti Korea, binuya dagiti delegado ti piktiur ti nakaad-adu a kakabsat a nagtalinaed a matalek a Kristiano iti laksid ti pannubok
Kakabsat ken dagiti delegado a naggapu iti sabali a pagilian nga agpipiktiur iti maysa a pagpasiaran
Babbai a nagpipiktiur kalpasan ti panangipabuyada kadagiti delegado iti tradisional a sala a maawagan iti buchaechum
Baka Kayatmo Met ti
MAIPAPAN KADAKAMI
Atenderam ti 2024 a Kombension—“Ipakaammo ti Naimbag a Damag!”
Naimpusuan nga awisendaka nga umatender iti tallo nga aldaw a kombension nga insagana dagiti Saksi ni Jehova ita a tawen.
