OKTOBA 29, 2019
AZERBAIJAN
Uamuzi wa Mahakama ya Ulaya ya Haki za Kibinadamu Waunga Mkono Msimamo wa Mashahidi Watano Nchini Azerbaijan Waliokataa Utumishi wa Kijeshi
Oktoba 17, 2019, Mahakama ya Ulaya ya Haki za Kibinadamu (ECHR) ilitoa uamuzi kwamba ndugu zetu nchini Azerbaijan wanaokataa kujiunga na jeshi kwa sababu ya dhamiri hawapaswi kuhukumiwa kama wahalifu. Uamuzi huo unakazia tena kwamba kuwaadhibu wale wanaokataa kujiunga na jeshi kwa sababu ya dhamiri ni kukiuka haki za uhuru wa dhamiri, fikira, na kidini. Hii ni mara ya kwanza kwa ECHR kutoa uamuzi unaounga mkono Mashahidi wa Yehova nchini Azerbaijan.
Uamuzi huo ulihusisha kuunganishwa kwa kesi nne zilizopelekwa katika mahakama hiyo kati ya mwaka wa 2008 na 2015. Kesi hizo zilihusisha akina ndugu wanne: Mushfig Mammadov, Samir Huseynov, Farid Mammadov, Fakhraddin Mirzayev, na Kamran Mirzayev. Kila mmoja wao alihukumiwa na kufungwa gerezani nchini Azerbaijan kwa kukataa utumishi wa kijeshi. Mahakama hiyo iligundua kwamba uamuzi wa ndugu hao wa kukataa utumishi wa kijeshi ulitegemea “itikadi za kweli za kidini,” na hivyo nchi ya Azerbaijan iliwatendea ndugu hao kinyume na Mkataba wa Ulaya Kuhusu Haki za Kibinadamu. Isitoshe, Mahakama hiyo ilisema kwamba utumishi wa badala haupaswi kuandaliwa kwa ajili tu ya makasisi na wanafunzi wa taasisi za kidini. Vilevile Mahakama hiyo ilisema kwamba nchi ya Azerbaijan inapaswa kuwalipa akina ndugu hao hasara waliyopata kutokana na uamuzi huo.
Kama ilivyofafanuliwa katika uamuzi wa mahakama hiyo, Azerbaijan ilikubali rasmi kuweka sheria za utumishi wa badala wa kiraia nchi hiyo ilipojiunga na Baraza la Ulaya mwaka wa 2001. Isitoshe, katiba ya Azerbaijan ina utumishi wa badala wa kiraia kwa ajili ya watu ambao itikadi zao zinapingana na utumishi wa lazima wa kijeshi. Hata hivyo, bado wenye mamlaka hawajaanza kutekeleza mpango wa utumishi wa badala, na hivyo bado ndugu zetu wanahukumiwa kuwa wahalifu kwa kukataa utumishi wa kijeshi kwa sababu ya dhamiri.
Tunatumaini kwamba uamuzi wa Mahakama hiyo utawachochea wenye mamlaka nchini Azerbaijan wafanye mipango ya kutekeleza utumishi wa badala wa kiraia. Kwa sasa, tunasali kwamba ndugu zetu nchini Azerbaijan waendelee kumtumikia Yehova kwa ujasiri.—Zaburi 27:14.
Huenda Ukapenda Pia
TAARIFA ZA HABARI
ECHR Yatokeza Ushindi wa Kesi za Mashahidi Nchini Azerbaijan
TAARIFA ZA HABARI
Mashahidi wa Yehova Nchini Azerbaijan Wakata Rufani kwa Mahakama ya Ulaya ya Haki za Kibinadamu
Nchi ya Azerbaijan inadai kwamba ndiyo kigezo cha uhuru wa kidini, ilhali Mashahidi wa Yehova nchini humo hawafurahii uhuru mbalimbali wa kidini.
TAARIFA ZA HABARI
Mashahidi wa Yehova Waitaka Serikali ya Azerbaijan Ikomeshe Vifungo Visivyozingatia Haki
Je, Azerbaijan itaheshimu mikataba iliyosaini ya uhuru wa ibada kwa kuwaachilia wanawake wawili wasio na hatia, Irina Zakharchenko na Valida Jabrayilova, na kuwaruhusu Mashahidi waabudu kwa amani?
TAARIFA ZA HABARI
Jinsi Armenia Ilivyotambua Haki ya Wanaokataa Kujiunga na Jeshi kwa Sababu ya Dhamiri
Historia ya wale wanaokataa kujiunga na jeshi kwa sababu ya dhamiri nchini Armenia inaonyesha jinsi maamuzi ya Mahakama ya Ulaya yalivyotokeza mabadiliko makubwa ya matendo ya serikali dhidi ya wale wanaokataa kujiunga na jeshi kwa sababu ya dhamiri.
TAARIFA ZA HABARI
Programu Yenye Mafanikio ya Utumishi wa Badala wa Kiraia Nchini Taiwan
Taiwan yatoa utumishi wa badala wa kiraia kama nafasi ya wale wanaokataa kujiunga na utumishi wa kijeshi kwa sababu ya dhamiri.