Evaọ Akpegbivẹ 24, 2019, ofou-owhre nọ a se Phanfone ọ raha eware gaga evaọ ofẹ ovatha-ọre Samar. Yọ a re je se ofou-owhre nana Ursula evaọ obọ Philippines. Osẹri Jihova ọvuọvo o whu hayo nwoma ha. Rekọ, iwou 464 erọ inievo mai gbe Egwa Uvie 6 e raha muotọ. Uwou Ogha Philippines o rehọ Egbẹgwae Obufihọ kẹ Ahwo nọ Eware Okpẹtu E Via Kẹ isoi mu re a fiobọhọ kẹ inievo mai nọ e rrọ ikoliko nọ okpofou nana o kpomahọ na re a sai wo eware nọ a gwọlọ jẹ tuduhọ ae awọ.

Evaọ 2019, ofou-owhre nọ a se Phanfone na họ ọrọ avọ udhegbọvo nọ o fou raha eware gaga evaọ Philippines no. U te no ere no, evaọ ofẹ obọze ovatha-ọre orẹwho na, etọ i nuhu kẹle na re. Fiki onana, Egbẹgwae Obufihọ kẹ Ahwo nọ Eware Okpẹtu E Via Kẹ ikpegberee a ro mu nọ i bi fiobọhọ kẹ inievo mai nọ eware okpẹtu na e via kẹ na.

Ma yere Ọghẹnẹ inọ inievo mai nọ e rrọ obọ Philippines na a bi thihakọ jẹ be rẹroso Ọghẹnẹ mai, Jihova, ọnọ “ọ rrọ yoyou gaga je wo ohrọ-oriọ” na.—Jemis 5:11.