An bagyo Phanfone, nga ha Pilipinas gintawag liwat nga Ursula, nag-landfall han Disyembre 24, 2019, ha probinsya han Eastern Samar. Waray mga Saksi ni Jehova an iginreport nga namatay o nasamaran. Pero, 464 nga balay han mga Saksi an naguba pati an 6 nga Kingdom Hall. An sanga nga opisina ha Pilipinas nagporma hin lima nga Disaster Relief Committee para magtagana hin espirituwal ngan materyal nga bulig ha kabugtoan ha pipira nga isla nga naapektohan hini nga kalamidad.

An Phanfone amo an ika-21 nga bagyo nga tumama ha Pilipinas han 2019. Labot pa hito, hinin bag-o la, nagkaada linog ha sur nga bahin han nasud. Salit ha pagkayana, may-ada 18 nga Disaster Relief Committee nga nanginginano han sitwasyon.

Mapasalamaton kita nga an aton kabugtoan ha Pilipinas padayon nga nagpapailob, nasarig ha aton Dios, hi Jehova, nga “malumo hinduro magpalangga ngan maloloy-on.”​—Santiago 5:11.