Han Enero 12, 2020, an bulkan nga Taal ha Batangas, ha Pilipinas, nagbuga hin agbon nga may kahitas-on nga mga katorse ka kilometro (9 mi). An mga awtoridad naghatag hin pahamangno han posible nga “peligroso gud nga pagbuto.” Nagsugo hira nga mag-ebakwit an yinukot nga mga tawo nga naukoy hirani ha bulkan, nga usa han pinakaaktibo nga bulkan han nasud.

Ha pagkayana, sobra 500 nga kabugtoan an gin-ebakwit ha talwas nga mga lokasyon nga nag-uupod hin mga Kingdom Hall ngan pribado nga mga balay han iba nga mga Saksi. Waray kabugtoan naton nga nasamaran. An Komite han Sanga nagtoka hin Disaster Relief Committee para maitagana an panginahanglan han kabugtoan nga nag-ebakwit.

Gin-aampo naton nga an aton kabugtoan ha Pilipinas padayon nga sumarig kan Jehova, “an aton arayopan ngan kusog.”​—Salmo 46:1-3.