Ngatshima misongo ya coronavirus idi guene, mu lusugu lua mbadi 7 Avril, 2020, ha mavu a mudidi Matemue a Yehowa akalegele guwuguluga (guyabuluga) gufua gua Yesu Klisto. Gifua luholo Phangi  Stephen Lett ya mu Hunji dia Akulu Atuameji ayimonesele: “Gushigo nga misongo imoshi ha mavu a mudidi yajiya gutukanga njila ya guhana mersi mukunda nu ndaga Yehowa nu Yesu akalegele mukunda nu esue. Yajiyilego nji gutulebesa muila ha gukalagala Gudia gua Fumu gua mu Ngueze.” Luholo lutshi ndaga yene ya kalegewa mu givo egi?

Ndaga eji jidi mukatshi dia mene jidi mu jw.org ha fundo dia sonegewa egi Salle de Presse. Jidi mumonese luholo a phangi a ha mavu a mudidi a tshitshile guwunguluga (guyabulaga) gufua gua Yesu mu tangua dia misongo ya coronavirus. Thomo, tuza muzuelela luholo Matemue a Yehowa akalegele guwuguluga gufua gua Yesu ha mavu a mudidi nu luholo akalegele gu Betele ya États-Unis.

Ha gutumagela mikhuala ya leta yatadila gudibungisa hangoshi, Hunji dia Akulu Atuameji azudile desizio egi aphangi agasue a gu Betele mbaahata programe ya Guwuguluga gufua gua Yesu ya luholo lumoshi. Phangi Anthony Morris watshitshile diskur mu salle de coference gu Warwick. Aphangi agasue a gu Betele ya États-Unis akhalele nu luendu lua guhata diskur diene gusugu jiawo. Betele yahanele aphangi agasue mampha ha gutshitshila guwunguluga gufua gua Yesu. Uvi, phamba athu azonda adile.

Aphangi a gu Betele akhalele nji nu luendu lua gutshita guwuguluga gufua gua Yesu nu mahungu awo mu njila ya apel video. Luko, aphangi a gu Betele anyi adi akulu atshitshile diskur dia guwuguluga gufua gua Yesu mu njila ya apel video nu mahungu awo.

Aphangi avula a gu Betele azuelele egi guwuguluga gufua gua Yesu gua givo egi guakhadi guawaha gubalega ivo iko. Ngatshima adibungishilego hangoshi nu aphangi ako, uvi, adivuile diago egi akahlele hangoshi nu aphangi a mala nu a akhetu a ha mavu a mudidi. Ngenyi amonesele diago guzumba guawo gudi Yehowa Nzambi wetu nu munenji Yesu Klisto.—Yone 3:16; Matayo 20:28.