Na Augusti 4, 2020, tiya mosi ya nene bebisaka dibungu (port) ya Beyrouth. Beyrouth kele nto-mbanza ya insi Liban. Tiya yina salaka nde bantu mingi kibeni kulwala mpi yo bebisaka bima mingi. Banzo mingi ya bampangi na beto ya babakala mpi ya bankento bebaka. Diambu ya nkaka ya mawa kele nde bampangi na beto ya nkaka ya babakala mpi ya bankento lwalaka ngolo kibeni. Kansi beto kele na kiese ya kuzaba nde ata mpangi mosi ve me fwa.

Beto ke tula ntima nde Nzambi na beto ya ke kabaka ta landa kupesa bansadi na yandi lusadisu yina bo kele na yo mfunu.—2 Samuele 22:3.