ပါပူဝါနယူးဂီနီ ဌာနခွဲ ကော်မတီဝင် ညီအစ်ကို ကေဂဝါလေ ဘီယာမာက ကမ္ဘာသစ်ဘာသာပြန်ကျမ်းကို ဟီရီမိုတူ ဘာသာစကားနဲ့ ထုတ်ဝေပေးပါတယ်။ ပေါ့စ်မောရက်စဘီမြို့ ယေဟောဝါသက်သေခံတွေရဲ့ ဌာနခွဲရုံးမှာ ကြိုတင်ရိုက်ကူးထားတဲ့ အစီအစဉ်ကို ၂၀၂၀၊ နိုဝင်ဘာ ၂၈ ရက်နေ့မှာ ထုတ်လွှင့်ပေးပြီး လူ ၇၀၀၀ ကျော် ချိတ်ဆက်ကြည့်ရှုခဲ့ကြတယ်။

ပါပူဝါနယူးဂီနီဟာ ကမ္ဘာမှာ ဘာသာစကား အများဆုံးနိုင်ငံ ဖြစ်ပြီး ဘာသာစကားပေါင်း ၈၄၀ လောက် ပြောဆိုကြတယ်။ ဟီရီမိုတူကတော့ ရုံးသုံးဘာသာစကား သုံးမျိုးထဲက တစ်မျိုး ဖြစ်ပြီး ပြောဆိုသူ ၁၄၀,၀၀၀ ခန့် ရှိပါတယ်။

ဌာနခွဲ ကော်မတီဝင် ညီအစ်ကို ကူကူနာ ဂျက်က “ဟီရီမိုတူ စကားပြောသူတွေ ဒီကျမ်းစာကို မျှော်နေတာ နှစ်အတော်ကြာပြီ။ ရိုးရှင်းပြီး နားလည်ရလွယ်တဲ့အတွက် ကမ္ဘာသစ်ဘာသာပြန်ကျမ်းကို သူတို့ နှစ်သက်ကြမယ်ဆိုတာ ကျွန်တော်တို့ သိနေတယ်” လို့ ပြောတယ်။

ဘာသာပြန် ခြောက်ယောက်ပါတဲ့ အဖွဲ့က ဒီလုပ်ငန်း ပြီးစီးဖို့ ဆယ်နှစ်ကြာ လုပ်ဆောင်ခဲ့ကြတယ်။ “ကမ္ဘာဦးကနေ ဗျာဒိတ်အထိ ဘုရားသခင့်နာမည် ပါလို့ စာဖတ်သူတွေ ပျော်ကြမှာ သေချာတယ်။ ဒီလက်ဆောင်မွန်အတွက် ယေဟောဝါကို ကျေးဇူးတင်တယ်” လို့ ဘာသာပြန်တစ်ယောက် ပြောတယ်။

ဒီဘာသာပြန်ကျမ်းသစ်အတွက် လုပ်ဆောင်ခဲ့ကြတာတွေကို ပြန်စဉ်းစားတဲ့အခါ “ယေဟောဝါ၊ ကိုယ်တော်က ကျွန်တော်တို့ လုပ်ဆောင်သမျှကို အောင်မြင်စေတဲ့အတွက် ငြိမ်သက်ခြင်း ပေးသနားမယ်” လို့ ပြောခဲ့တဲ့ ပရောဖက် ဟေရှာယလိုပဲ ခံစားရပါတယ်။—ဟေရှာယ ၂၆:၁၂။