ታኅሣሥ 30, 2021
ሩሲያ

ወቅታዊ መረጃ—ይግባኙ ውድቅ ተደረገ | ወንድም ኒኮላዬቭ በይሖዋ ላይ ያለው እምነት ውስጣዊ ሰላሙን ጠብቆ እንዲቀጥል ረድቶታል

አጫውት

ጥቅምት 20, 2022 የክራስኖዳር ግዛት ፍርድ ቤት ወንድም አሌክሳንደር ኒኮላዬቭ ያቀረበውን ይግባኝ ውድቅ አድርጎታል። አሌክሳንደር እስር ቤት ይቆያል።

የክሱ ሂደት

ታኅሣሥ 23, 2021

በክራስኖዳር ክልል የሚገኘው የአብንስኪ አውራጃ ፍርድ ቤት አሌክሳንደር ጥፋተኛ ነው በማለት በሁለት ዓመት ተኩል እስራት እንዲቀጣ ወሰነ
መስከረም 30, 2021

ማረፊያ ቤት ገባ
ነሐሴ 4, 2021

ክሱ በፍርድ ቤት መታየት ጀመረ
ግንቦት 26, 2021

ከቤተሰቡና ከወዳጆቹ ጋር ስለ መጽሐፍ ቅዱስ ተወያይቷል በሚል ወንጀል ተከሰሰ፤ መርማሪዎቹ ይህን ድርጊት “በሕገ መንግሥታዊው ሥርዓትና በአገሪቱ ደህንነት ላይ የተፈጸመ ወንጀል” እንደሆነ አድርገው ይቆጥሩታል
ሚያዝያ 7, 2021

ከጠዋቱ 12 ሰዓት ላይ የደህንነት አባላትና ፖሊሶች ወንድም ኒኮላዬቭና ቤተሰቡ የሚኖሩበትን ቤት ፈተሹ። ወንድም ኒኮላዬቭ ለምርመራ የተወሰደ ሲሆን በኋላ ላይ ተለቀቀ
መጋቢት 31, 2021

በኒኮላዬቭ ላይ ክስ ተመሠረተበት

አጭር መግለጫ

አሌክሳንደር ኒኮላዬቭ

የትውልድ ዘመን፦ 1973 (ሳላቫት፣ ባሽኮርቶስታን ሪፑብሊክ)

ግለ ታሪክ፦ በ18 ዓመቱ በሩሲያ ባሕር ኃይል ውስጥ እንዲያገለግል ተመለመለ። በኋላም ኮሌጅ ገብቶ በቤት ውስጥ ዕቃዎች ጥገና ሙያ ሠለጠነ

በ1997 ከዬቭጌኒያ ጋር ትዳር መሠረተ። ራሳቸውን የቻሉ ሦስት ወንዶች ልጆችና በጉዲፈቻ የሚያሳድጓቸው የ10 እና የ12 ዓመት ሴት ልጆች አሏቸው። ቤተሰቡ ወደ ባሕር ዳርቻ መሄድና ጫካ ውስጥ የእግር ጉዞ ማድረግ ያስደስተዋል

በ1990ዎቹ አጋማሽ ላይ ከይሖዋ ምሥክሮች ጋር መጽሐፍ ቅዱስን ማጥናት ጀመረ። ኢየሱስ ሁሉን ቻይ የሆነ አምላክ እንዳልሆነና የአምላክ ስም ይሖዋ እንደሆነ ሲያውቅ በጣም ተገረመ። በ1996 ተጠመቀ

የሰጠው ሐሳብ

እንድትጸና የረዳህ የትኛው ባሕርይ ነው?

‘በአምላክ ላይ፣ እስከ መጨረሻው ለመጽናት የሚያስችል በቂ እምነት አለኝ?’ እያልኩ ራሴን እጠይቃለሁ። ሰውን መፍራትና ወደፊት ስለሚሆነው ነገር አለማወቅ ሚዛናዊ ሆኖ የማሰብ ችሎታዬን ሊያሳጣኝ እንደሚችል ተገንዝቤያለሁ። ስለዚህ እንዲህ ላሉት ፍርሃቶች እጅ ላለመስጠት እሞክራለሁ። ይሖዋም በዚህ ረገድ በጣም ረድቶኛል። ብርበራውን ለማድረግ ሲመጡ ልቤ በኃይል እየመታ የነበረ ቢሆንም እውነተኛ ውስጣዊ ሰላም ነበረኝ።

ወንድም ኒኮላዬቭን ጨምሮ በሩሲያና በክራይሚያ ያሉ ታማኝ ወንድሞቻችንና እህቶቻችን በይሖዋ በመታመናቸው እንደሚባረኩ እርግጠኞች ነን።—ኤርምያስ 17:7

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች