DECEMBER 30, 2021
RUSSIA
YASONO—KHOTI LAKANA APILU | Mubali Nikolayev Wali na Mtende wa mu Mtima Chifukwa cha Kuthemba Yehova
Pa October 20, 2022, Khoti la ku Chigaŵa cha Krasnodar, likakana apilu ya Mubali Aleksandr Nikolayev. Pasono wachali mu jele.
Nyengo
December 23, 2021
Khoti la Abinskiy ku Chigaŵa cha Krasnodar likati Mubali Aleksandr Nikolayev wali na mulandu ndipo wakagwire jele vyaka viŵiri na hafu
September 30, 2021
Ŵakamusunga dankha mu jele
August 4, 2021
Khoti likamba kutegherezga mulandu wake
May 26, 2021
Wakapika mulandu wakuti wakadumbiskananga Baibolo na ŵachibali kweniso ŵabwezi ŵake, ivyo awo ŵakufufuza milandu ŵakuti “ni mulandu chifukwa vikususkana na dango kweniso chivikiliro cha boma”
April 7, 2021
Apo nyengo yikaŵa 6 koloko mulenji, ŵa FSB pamoza na ŵapolisi awo ŵakulimbana na ŵanthu awo ŵakwambiska vya chiwawa, ŵakasecha nyumba ya Nikolayev. Ŵakamutora Aleksandr na kuluta nayo kukamufumba mafumbo pamanyuma na kumuleka kuti walutenge
March 31, 2021
Aleksandr wakamba kupika mulandu
Vyakukhwaskana na munthu uyu
Tikugomezga kuti Aleksandr pamoza na ŵabali na ŵadumbu ŵithu ŵakugomezgeka ku Russia na Crimea ŵasangenge vitumbiko chifukwa cha kugomezga na kuthemba Yehova.—Yeremiya 17:7.
Panji Mungatemwa Kuŵerengaso Nkhani Izi
NKHANI
Ŵajalirika mu Jele Chifukwa cha Chipulikano Chawo—Russia
Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.