26 NOVEMBER 2021
KANADA
Ujan ti Bangat Ngujungka Bah Nyadi ba Kanada Barat
Entara 13 ngagai 15 November 2021, sekeda endur di British Columbia ba Kanada Barat kena ujan ti bangat. Dua puluh iti endur bisi mayuh agi ujan dalam sehari enti dibanding enggau hari ti bukai ba dalam sejarah. Dalam tiga hari aja, peninggi ai ujan nya lebih ari 250 milimeter (10 inchi) ba sekeda endur. Ujan nya ngujungka bah sereta tanah tusur ke mempang jalai raya, ngasuh orang ninggalka rumah sida, sereta ngujungka orang ke bejalai temengkang.
Empas ngagai Bala Menyadi
Nadai bala menyadi udah bakal
144 iku penginjil dipindahka
Abis nadai 35 buah rumah dirusak
Pengawa Meri Bantu
Pampang Opis Kanada numbuhka Komiti Tulung Benaca Alam (DRC)
Bala menyadi ke diasuh pindah diau enggau kaban belayan sida sereta bala menyadi ke bukai ke diau ba endur ke jauh mimit ari endur sida ke diasuh pindah
Bala tuai ti ngabas enggau bala tuai gempuru terus merindang sereta meransang bala penginjil ke nyadi mansa penusah tu
Ba endur ke dikumbai piak bekuasa likun, DRC bekerejasama enggau LDC kena meda naka ni pemalat pengerusak ba rumah bala menyadi, sereta utai ke patut dikereja kena ngaduka utai nya
Semua bala menyadi ke enggau pengawa meri bantu ngasika iring kena nyeliahka COVID-19
Mayuh ruang bilik Saksi ke ditinggang penusah tu udah diasuh pindah ninggalka rumah sida ketegal utan angus ke nyadi tiga bulan sebedau tu ba Ogos 2021. Seraya bencana alam ke majak nyadi, bala nembiak Jehovah bulih penguntung ketegal seruran ngasika iring pasal nyediaka beg kecemasan sereta nyetok pemakai.
Nyangka mayuh bala menyadi kena perinsa ketegal bencana alam, tang kitai enda lenyau pengarap ke kuasa Jehovah ke ulih nyelamatka.—Habakuk 3:17, 18.