Sang Mayo 6, 2022, nagdesisyon ang Sovietskiy District Court of Nizhny Novgorod nga guilty si Sister Galina Abrosimova kag ginsentensiahan sia sang anom ka tuig nga suspended prison. Indi niya kinahanglan nga mapriso sa sini nga tion.

1. Hunyo 4, 2019

   Ginkasuhan sang mga imbestigador ang pila ka Saksi ni Jehova sa Nizhny Novgorod Region. Nalakip sa mga akusasyon sa ila ang paghiwat sang mga miting, pagkolekta sang mga donasyon, kag paghagad sa iban nga mag-entra sa isa ka gin-ban nga relihioso nga organisasyon

2. Hulyo 17, 2019

   Gin-raid ang balay sang 35 ka pamilya sang mga Saksi ni Jehova. Gin-aresto si Galina kag ginbutang sa temporary detention center sing duha ka adlaw

3. Oktubre 19, 2021

   Ginsugdan ang pag-hearing kay Galina

Nagasalig kita nga padayon nga magahatag si Jehova sang kaisog sa aton mga kauturan sa Russia nga ‘mag-atubang sa mga gobernador kag mga hari para makapanaksi sa ila.’—Marcos 13:9.