10 MAJ 2022
RUSI

PËRDITËSIM | Galina Abrosimovi mposht frikën

LUAJ

Më 11 gusht 2022, Gjykata Rajonale e Nizhnji-Novgorodit hodhi poshtë apelimin e motër Galina Abrosimovit. Për momentin, ajo nuk duhet të futet në burg.

Më 6 maj 2022, Gjykata e Krahinës së Sovjetskit në Nizhnji-Novgorod shpalli fajtore Galinën dhe e dënoi me 6 vite vënie në provë.

Tabelë kronologjike

4 qershor 2019

Hetuesit ngrejnë një çështje kundër disa Dëshmitarëve të Jehovait në Rajonin e Nizhnji-Novgorodit. Ata i akuzojnë për mbajtje të mbledhjeve, për grumbullim të kontributeve dhe për prozelitizëm për një organizatë fetare të ndaluar
17 korrik 2019

Autoritetet kryejnë bastisje dhe kontrolle në masë në shtëpitë e 35 familjeve Dëshmitarë të Jehovait. Galinën e arrestojnë dhe e futin në një burg të përkohshëm për dy ditë
19 tetor 2021

Fillon procesi penal kundër Galinës

Të dhëna

Galina Abrosimovi

Lindur: 1966 (Prigorodnojë, Rajoni i Penzës)

Biografia: I pëlqen puna me shtiza dhe qëndisja. Ka punuar si farmaciste dhe, pasi doli në pension, filloi punë si ndihmëse në një rrobaqepësi. Ka dy fëmijë

Kur i vdiq i shoqi, i lindën shumë pyetje. Për të gjetur përgjigjet, nisi të studionte Biblën. I bëri mjaft përshtypje që Fjala e Perëndisë është e qartë dhe praktike. U pagëzua si Dëshmitare e Jehovait në vitin 2000

Komente personale

Çfarë të ka ndihmuar të mposhtësh frikën për të folur në sallën e gjyqit?

Në seancat gjyqësore, sidomos në të parën, ndihesha shumë në siklet. U thashë të gjithë miqve të luteshin për mua që të më dilte frika. Një vëlla që e kishin dënuar, më dërgoi një letër ku shkruante: «Duhet vetëm të besosh te Jehovai. . . . Pastaj do ta shohësh çfarë qetësie do të provosh.» Tani ndihem shumë më e qetë. E konsideroj seancën e parë gjyqësore thjesht si dera e parë në shërbim. Nuk e di çfarë të pret pas derës. Por pastaj, ajo hapet dhe shpesh bën një bisedë të bukur.

S’kemi pikë dyshimi se Jehovai do të vazhdojë t’u japë motrave e vëllezërve tanë në Rusi guximin që të qëndrojnë para ‘guvernatorëve e mbretërve që të japin dëshmi para tyre’.—Marku 13:9.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME