MEI 10, 2022
URUSI

HABARI ZA KARIBUNI | Galina Abrosimova Ashinda Woga Wake

CHEZA

Agosti 11, 2022, Mahakama ya Eneo la Nizhny Novgorod ilikataa ombi la rufaa la Dada Galina Abrosimova. Hahitaji kwenda gerezani wakati huu.

Mei 6, 2022, Mahakama ya Wilaya ya Sovietskiy iliyo Nizhny Novgorod ilimhukumu Galina kifungo cha nje cha miaka sita.

Mfuatano wa Matukio

Juni 4, 2019

Wapelelezi walifungua kesi dhidi ya Mashahidi wa Yehova kadhaa katika Eneo la Nizhny Novgorod. Walishtakiwa kwa sababu ya kufanya mikutano, kukusanya michango, na kuwatia moyo wengine washirikiane na shirika la kidini lililopigwa marufuku
Julai 17,2019

Nyumba za familia 35 za Mashahidi wa Yehova zilivamiwa na kupekuliwa. Galina alikamatwa na kuwekwa kizuizini kwa siku mbili
Oktoba 19, 2021

Kesi ya uhalifu dhidi ya Galina ilianza

Maelezo Mafupi Kumhusu

Galina Abrosimova

Alizaliwa: 1966 (Prigorodnoye, Eneo la Penza)

Maisha Yake: Anapenda kufuma na kushona. Alifanya kazi akiwa mfamasia. Baada ya kusataafu alifanya kazi katika duka la kushona nguo. Ana watoto wawili

Mume wake alipokufa, alikuwa na maswali mengi. Alianza kujifunza Biblia ili kutafuta majibu. Aliguswa moyo alipoona jinsi Neno la Mungu lilivyo wazi na lilivyo na mambo yanayoweza kutumika maishani. Alibatizwa na kuwa Shahidi wa Yehova mwaka 2000

Maelezo ya Kibinafsi

Ni nini kilichokusaidia kushinda woga wako wa kuzungumza mahakamani?

Kesi yangu iliposikilizwa kwa mara ya kwanza mahakamani, sikujua ni nini kingetokea. Niliwaomba marafiki zangu wasali kwa ajili yangu ili nishinde woga wangu. Ndugu mmoja ambaye alikuwa ameshtakiwa na kuhukumiwa alinitumia barua. Aliandika hivi: “Unachohitaji kufanya ni kumtumaini Yehova tu . . . Utajionea utulivu wa ajabu.” Ninahisi nikiwa na utulivu zaidi wakati huu. Ninaona kesi yangu iliposikilizwa kwa mara ya kwanza kuwa kama ziara ya kwanza katika huduma. Hujui ni nini kinachokusubiri nyuma ya mlango. Lakini mwishowe, mlango unafunguliwa na kwa kawaida unafurahia mazungumzo mazuri.

Tuna uhakika kwamba Yehova ataendelea kuwapa ujasiri ndugu na dada zetu nchini Urusi ili ‘wasimame mbele ya magavana na wafalme ili kuwa ushahidi kwao.’—Marko 13:9.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI