MAY 10, 2022
RUSSIA

YASONO | Galina Abrosimova Wakatonda Wofi Uwo Wakaŵa Nawo

JULANI

Pa August 11, 2022, Khoti la Nizhny ilo lili ku Chigaŵa cha Novgorod likakana apilu ya Mudumbu Galina Abrosimova. Pasono ŵamujalirenge mu jele yayi.

Pa May 6, 2022, Khoti la Sovietskiy ilo lili ku Nizhny Novgorod likati Mudumbu Galina Abrosimova wali na mulandu ndipo waleke kusangikaso na mulandu kwa vyaka 6. Ulendo uwu ŵamujalirenge mu jele yayi.

Nyengo

June 4, 2019

Ŵakufufuza milandu ŵakajulira mulandu Ŵakaboni ŵa Yehova ŵanyake ku Chigaŵa cha Nizhny Novgorod. Milandu yake yikaŵa yakuti ŵakachitanga maungano, kupeleka vyawanangwa, na kuchiska ŵanji kuti ŵanjire gulu la chisopa ilo ndakukanizgika
July 17, 2019

Ŵamazaza ŵakasecha nyumba 35 za Ŵakaboni ŵa Yehova. Galina wakakakika na kusungika kwa mazuŵa ghaŵiri
October 19, 2021

Khoti likamba kutegherezga mulandu wa Galina

Vyakukhwaskana na munthu uyu

Galina Abrosimova

Chaka cha kubabikira: 1966 (Prigorodnoye, Chigaŵa cha Penza)

Mbiri yake: Wakutemwa kuluka na kusona. Wakagwirapo ntchito mu pharmacy. Wati wapumura ntchito iyi, wakamba kugwira mu shopu ya vyakusona. Wali na ŵana ŵaŵiri

Wakamba kusambira Baibolo pamanyuma pakuti mfumu wake wafwa. Wakakhorwa kuwona kuti Baibolo likuneneska ndipo ndambura kusuzga kupulikiska kweniso kuti fundo zake ni zakovwira chomene. Wakabatizika na kuŵa Kaboni wa Yehova mu 2000

Ivyo Wakayowoya

Ntchivichi chikamovwirani kuti mutonde wofi uwo mukaŵa nawo wakuyowoya mu Khoti?

Ningati chomene apo Khoti likategherezganga mulandu wane kakwamba, nkhachitanga wofi chomene. Nkhapempha ŵanyane wose kuti ŵanilomberenge kuti nitonde suzgo ili. Nkhapokera kalata kufuma kwa mubali munyake uyo khoti lili kudumura kale mulandu wake. Wakalemba kuti: “Ukwenera waka kuthemba Yehova . . . Wamujiwonera wekha umo mtima wako wamuŵira m’malo.” Pasono mtima wane uliko m’malo. Ulendo wakwamba apo khoti likategherezganga mulandu wane, vikaŵa nga ni ulendo wakwamba mu upharazgi. Ukumanya yayi kuti ka wamukumana na munthu wa mtundu wuli. Kweni kanandi, para mweneko nyumba wajurako waka, chidumbirano chikwenda makora waka.

Tikugomezga kuti Yehova walutilirenge kuŵapa chikanga ŵabali na ŵadumbu ŵithu ku Russia, mwakuti ‘ŵimilire panthazi pa ŵakazembe na mathemba kuti uŵe ukaboni kwa iwo.’—Mariko 13:9.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI