Dua na ka na dredre era sotava na tacida ni vakacabotetaki tiko na bomu ena siti o Mariupol, Kharkiv, Hostomel, kei na so tale na siti e Ukraine. Eso na tacida era tu ena nodra tabavale e ra, se na vanua era vakaruru kina me rauta ni dua na macawa. E lailai na kedra kakana. E dredre tale ga na veitaratara kei ira ni boko tu na livaliva, leqa na internet kei na talevoni.

E ka ni rarawa ni takali o Brother Dmytro Rozdorskyi e yabaki 28, e qase ni ivavakoso e Myrnohrad, ni butuka na gasaukuro e bulu tu. Meda masulaki ira na tacida e takali na wekadra, kei ira era vakaitikotiko ena vanua e kacabote tiko kina e levu na bomu.—2 Cesalonaika 3:1.

Me yacova mai na ika7 ni Maji 2022, qo na itukutuku e tauri rawa mai Ukraine:

• Mate e 2 na dautukutuku

• Mavoa e 8 na dautukutuku

• E 20,617 na dautukutuku era biuta na nodra vale mera dro ena so tale na vanua e Ukraine mera taqomaki kina

• Vakarusai e 25 na vale

• Vakacacani vakalevu e 29 na vale

• Vakacacani vakalailai e 173 na vale

• Vakacacani e 5 na Vale ni Soqoni

• Sa veivuke tiko e Ukraine e 27 na Komiti ni Vakacoko (DRC)

• Vakarautaka na DRC na vanua mera taqomaki kina e 6,548 na dautukutuku

• Era dro e 7,008 na dautukutuku ena so tale na matanitu, ra qai vukei vei ira na tacida ena vanua qori

• Vakarautaki e 1 na Vale ni Soqoni Lelevu, kei na 30 na Vale ni Soqoni e Chernevtsi, Ivano-Frankivsk, Lviv, kei Transcarpathian ena ra kei Ukraine mera vakaruru kina na tacida