და-ძმებს მარიუპოლში, ხარკოვში, გოსტომელსა და სხვა ტერიტორიებზე, სადაც ინტენსიურად გრძელდება დაბომბვა, მძიმე დრო უდგათ. ზოგიერთი უკვე კვირაზე მეტია, რაც სარდაფებსა და ბომბსაფარებშია. მათ საკვები მარაგი ელევათ, ელექტროენერგია არ მიეწოდებათ და მობილური და ინტერნეტკავშირიც თითქმის გაწყვეტილია, რის გამოც უჭირთ და-ძმებთან დაკავშირება.

სამწუხაროდ, დაიღუპა მირნოგრადში მცხოვრები ერთი ჩვენი 28 წლის ძმა, დმიტრო როზდორსკი, რომელიც უხუცესად მსახურობდა. ის ნაღმზე აფეთქდა. ვლოცულობთ მათთვის, ვინც საყვარელი ადამიანი დაკარგა, და ყველა ჩვენი თანაქრისტიანისთვის, რომლებიც კონფლიქტის ზონაში იმყოფებიან (2 თესალონიკელები 3:1).

ქვემოთ მოყვანილია ამა წლის 7 მარტის მონაცემები.

• დაიღუპა 2 მაუწყებელი.

• დაშავდა 8 და-ძმა.

• 20 617 მაუწყებელს მოუწია ქვეყნის შედარებით უსაფრთხო რაიონებში გაქცევა.

• მთლიანად დაინგრა 25 სახლი.

• სერიოზულად დაზიანდა 29 სახლი.

• მსუბუქად დაზიანდა 173 სახლი.

• დაზიანდა 5 დარბაზი.

• უკრაინის მასშტაბით 27 დაზარალებულთა დახმარების კომიტეტი ზრუნავს და-ძმებზე.

• კომიტეტები 6 548 მაუწყებელს დაეხმარნენ უსაფრთხო თავშესაფრის პოვნაში.

• ქვეყნის დატოვება მოუწია 7 008 მაუწყებელს, რომელთაც ჩვენმა და-ძმებმა აღმოუჩინეს დახმარება.

• ჩერნოვციში, ივანო-ფრანკოვსკში, ლვოვსა და იმიერკარპატების ოლქში 30 დარბაზი და 1 საკონგრესო დარბაზი ლტოლვილების მისაღებად მოეწყო.