Nos rumannan den e stadnan Mariupol, Kharkiv, Hostomel y otro stad ta pasando tempo hopi dificil durante e bombardeonan na Ucrania. Algun di nos rumannan no por a sali for di e luga caminda nan a busca refugio pa casi un siman. Cuminda ta cabando. Ademas, ta dificil pa e rumannan keda den contacto cu otro pasobra na varios luga coriente a bay y conexion di Internet y celular a cay afo.

Lamentablemente, Ruman Dmytro Rozdorskyi, un anciano di 28 aña di edad na Myrnohrad, a muri debi na su lesionnan despues cu el a trapa riba un mina. Nos ta resa pa nos rumannan cu a perde ser keri, y nos ta pidi Jehova yuda nos rumannan cu ta den e stadnan caminda tin hopi bombardeo.—2 Tesalonicensenan 3:1.

E siguiente cifranan ta for di informe cu nos a haya te cu 7 di maart 2022.

• 2 publicador a muri

• 8 publicador a ser herida

• 20.617 publicador a bandona nan cas pa bay otro luga di e pais cu ta mas sigur

• 25 cas a ser destrui

• 29 cas tin daño grandi

• 173 cas tin daño leve

• 5 Salon di Reino tin daño

• Tin 27 Comite di Yudansa na Ucrania

• E comitenan a yuda 6.548 publicador haya otro luga mas sigur pa keda

• 7.008 publicador a huy pa otro pais. Eynan, nos rumannan ta yudando e publicadornan ey

• 1 Salon di Asamblea y mas o menos 30 Salon di Reino ta prepara pa ricibi refugiado. Nan ta keda na parti west, na Ucrania. E regionnan ta: Chernevtsi, Ivano-Frankivsk, Lviv y Transcarpathian