8. MOAZ 2022
UKRAINE
NIESTA BERECHT #1 | De breedaliche Leew en de Ukraine blift uk en dise schwoare Tiet stoakj
Onse Breeda un Sestren en Mariupol, Charkiw, Hostomel un aundre Städa haben daut nu besonda schwoa, wiels doa en de Ukraine wieda jebomt woat. Eenje haben aul fa eene Wäakj must en äaren Kjala ooda aundre sechre Städen must bliewen. Daut jeft emma weinja Ätwoa, un wiels daut ellektrische Fia, de Zellfons un daut Internet nich emma schaufen, es daut schwoa, daut de Breeda un Sestren unjarenaunda räden kjennen.
Ons moakt daut truarich, daut Brooda Dmytro Rozdorskyi, een 28-joascha Eltesta en de Staut Myrnohrad, jestorwen es, nodäm daut hee opp eene Bomm noppstaupt, waut dan oppdäwat. Wie bäden fa deejanje, waut leewe Aunjehieeje un Frind veloaren haben un uk fa onse Breeda un Sestren en dee Jäajenden, woa sea jebomt woat (2. Tessalonicha 3:1).
Bat dän 7. Moaz 2022 hab wie dise Zolen ut de Ukraine jekjräajen:
Waut daut aun onse Breeda un Sestren deed
2 Vekjindja sent jestorwen
8 Vekjindja worden velazt
20 617 Vekjindja musten äare Hiesa veloten un sent no aundre Städen em Launt jeflicht, wua daut sechra es
25 Hiesa worden gaunz vestieet
29 Hiesa haben väl Schoden jekjräajen
173 Hiesa haben een bät Schoden jekjräajen
5 Vesaumlungshiesa haben Schoden jekjräajen
Woo utjeholpen woat
27 Nootfaulkommitees sent en de Ukraine aunjestalt
6 548 Vekjindja kjrieejen Help von de Nootfaulkommitees, om Städen to finjen, waut sechra sent
7 008 Vekjindja sent no aundre Lenda jeflicht un kjrieen doa Help von äare Gloowesbreeda
Em Wasten von de Ukraine, en de Städa Chernevtsi, Iwano-Frankiwsk, Lwiw (uk Lemberg jenant) un en de Jäajent von Transkarpatien worden 1 Kongresshus un rom 30 Vesaumlungshiesa soo enjerecht, daut doa Flichtlinja kjenn oppjenomen un vesorcht woaren