24 yanvar 2023-cü il tarixində Kemerovo Vilayətinin Novokuznetsk Şəhərinin Kuznetsk Rayon Məhkəməsi Sergey Suşilnikovu altı il müddətinə şərti həbs cəzasına məhkum etdi. Cəza şərti olduğu üçün qardaş həbsə salınmayacaq.

1. Noyabr 2019-cu il

   Hüquq-mühafizə orqanları Sergeyin telefon danışıqlarına qulaq asmağa başladı və evinə gizli kamera yerləşdirdi.

2. 3 iyun 2021-ci il

   Cinayət işi açıldı.

3. 8 iyun 2021-ci il

   Evində axtarış keçirildi. Sergey və həyat yoldaşı sorğu-sual olundu.

4. 15 iyul 2021-ci il

   Rusiya Federasiyasının Maliyyə Monitorinqi üzrə Federal Xidməti Sergeyin adını terroristlərin siyahısına saldı, onun bank hesabı donduruldu.

5. 8 fevral 2022-ci il

   O, ekstremist təşkilatın fəaliyyətini təşkil etməkdə və onun fəaliyyətini davam etdirməkdə ittiham olundu. Ondan başqa yerə getməmək barədə iltizam alındı.

6. 30 mart 2022-ci il

   Cinayət işi üzrə məhkəmə icraatı başladı.

Yehova sadiq xidmətçilərinə «dar gündə köməyə hazırdır», bunu bilmək adama böyük toxtaqlıq verir (Zəbur 46:1).