Posachedwa Khoti la Novokuznetsk m’Boma la Kuznetsk, m’Chigawo cha Kemerovo lipereka chigamulo chake pa mlandu wa M’bale Sergey Sushilnikov. Loya waboma sananene chilango chomwe akufuna kuti khotili lipereke kwa m’baleyu.

1. November 2019

   Apolisi anayamba kumvetsera zimene M’bale Sushilnikov ankalankhula ndi anthu pa foni yake komanso kuona mavidiyo omwe kamela yapanyumba pa m’baleyu inajambula

2. 3 June, 2021

   Mlandu unatsegulidwa

3. 8 June, 2021

   Apolisi anakafufuza zinthu m’nyumba ndipo a Sushilnikov ndi akazi awo anawatenga ndi kukawafunsa mafunso

4. 15 July, 2021

   Anawalemba pamndandanda wa anthu ochita zinthu zoopsa ndipo ma akaunti awo a kubanki anatsekedwa

5. 8 February, 2022

   Anawaimba mlandu wotsogolera gulu lochita zinthu zoopsa ndipo anawauza kuti asapange ulendo ulionse wotuluka m’dzikolo

6. 30 March, 2022

   Mlandu unayamba kuzengedwa

Timalimbikitsidwa kudziwa kuti nthawi zonse Yehova adzapereka thandizo kwa atumiki ake okhulupirika “pa nthawi ya masautso.”—Salimo 46:1.