AGOSTO 31, 2022
RUSSIA

“Binigyan Ako ni Jehova ng mga Kaibigang Malalakas ang Loob”

I-PLAY

Malapit nang ibaba ng Kuznetsk District Court of Novokuznetsk, Kemerovo Region, ang hatol nito sa kaso ni Brother Sergey Sushilnikov. Wala pang hinihiling ang prosecutor na parusa para sa kaniya.

Time Line

Nobyembre 2019

Na-tap at nilagyan ng video surveillance ng mga imbestigador ang bahay ni Sergey
Hunyo 3, 2021

Sinampahan ng kasong kriminal
Hunyo 8, 2021

Hinalughog ang bahay. Si Sergey at ang asawa niya ay isinama para sa interogasyon
Hulyo 15, 2021

Isinama sa listahan ng mga terorista at hindi siya puwedeng mag-withdraw ng pera niya sa bangko
Pebrero 8, 2022

Inakusahan ng pag-oorganisa at pagpapatuloy sa gawain ng isang ekstremistang organisasyon. Pinagbawalang magbiyahe
Marso 30, 2022

Nagsimula ang paglilitis

Profile

Sergey Sushilnikov

Ipinanganak: 1957 (Korkino, Chelyabinsk Region)

Maikling Impormasyon: Nagtrabaho bilang isang superbisor sa isang planta ng enerhiya. Nagretiro na

Napangasawa si Tatyana noong 1979. Mayroon silang dalawang anak na babae

Nakilala ang mga Saksi ni Jehova sa tulong ng pinsan ng asawa niya. Sila ni Tatyana ay nabautismuhan noong 1996

Personal na mga Komento

Anong mga prinsipyo sa Bibliya ang nakatulong sa iyo sa mahirap na panahong ito?

Paborito ko ang Kawikaan 17:17: “Ang tunay na kaibigan ay nagmamahal sa lahat ng panahon at isang kapatid na maaasahan kapag may problema.” Napakahalaga nito sa akin sa panahong ito ng pag-uusig lalo na kapag nahihirapan na ako. Binigyan ako ni Jehova ng mga kaibigang malalakas ang loob at handang tumulong kapag may problema.

Paano kayo espesipikong tinulungan ng mga kapananampalataya ninyo?

Pagkatapos halughugin ang bahay namin, dinala kami para sa interogasyon. Unang pinalaya ang asawa ko, at pagdating na pagdating niya ng bahay, isang sister ang dumating. Marami pang kapatid ang sumunod para tulungan kami sa paglilinis ng bahay. At dumating din ang isa sa mga elder para alamin ang kalagayan namin, kahit napakadelikado n’on.

Sinabi ni Jesus sa Juan 13:35: “Kung mahal ninyo ang isa’t isa, malalaman ng lahat na kayo ay mga alagad ko.” Mabuti na lang at may mga kaibigan kami ni Tatyana na mahal na mahal kami.

Nakakapagpatibay malaman na laging maglalaan si Jehova ng tulong sa tapat niyang mga lingkod “kapag may mga problema.”—Awit 46:1.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE