Mientras ta continua el guerra na Ukraine, el branch office de Ukraine mas ta hace esfuerzo para man shepherding con el maga hermano y hermana quien ya evacua para na otro maga parte del nacion. Ya tiene este maga buen resulta. Despues visita el un miembro del Branch Committee con el maga hermano y hermana quien ya evacua na oeste parte del Ukraine, el un hermana quien temporario ta queda na un Kingdom Hall na ciudad de Uzhgorod junto con el 30 individual, ya habla: “Ya sinti yo que dol ta abraza conmigo si Jehova.”

El maga hermano ta hace tambien esfuerzo para man shepherding con el maga 100 hermano quien miembro del 27 Disaster Relief Committee (DRC). Si Ihor, un miembro del un DRC, ya habla: “Cuando yan assign conmigo para sirvi na DRC, iyo pati de mio mujer na otro casa ya ta queda cay ya evacua kame. Cuando medio cansao ya kame, el un miembro del Branch Committee quien busy tambien ya dale tiempo para visita y man cuento kanamon. Ya sinti kame que tiene gayot le personal interes kanamon.” Si Ihor ya continua: “Si na un situacion que dol aquel kita un nuevo nacido bata, nuay control na diaton circumstancia y ta sinti kita que dol nuay mas solucion el diaton problema, y el cosa lang kita ta puede hace amo reza con Jehova para pidi ayuda, ta puede gayot kita mira que ta ayuda le kanaton.”

Na maga lugar que donde concentrao el guerra, tiene 4 Kingdom Hall que ya sale destrozao, 8 que ya tiene major damage y 33 que ya tiene minor damage.

Del Mayo 17, 2022, este el siguiente numero que base na report estaba na Ukraine. Asegun este na maga confirmao report del diaton maga hermano alla. Pero, posible que mas alto pa con ese el actual numero, ciendo dificil el comunicacion na todo parte del nacion.

• 37 publisher el ya muri

• 74 publisher el ya sale irido

• 45,253 publisher el quien ya evacua y ya anda na otro maga lugar que lejos na peligro

• 418 casa el ya sale destrozao

• 466 casa el ya tiene major damage

• 1,213 casa el ya tiene minor damage

• 4 Kingdom Hall el ya sale destrozao

• 8 Kingdom Hall el ya tiene major damage

• 33 Kingdom Hall el ya tiene minor damage

• 27 Disaster Relief Committee (DRC) el ya forma na Ukraine para mira con el relief work

• 48,806 persona el con quien directa ya asisti el maga DRC para busca lugar onde sila queda que lejos na peligro

• 21,786 publisher el ya evacua para na otro maga nacion y ya asisti kanila el maga hermano y hermana na aquel maga lugar