Legan ya tuloytuloy so mairap ya situasyon, mamapasya met so Ukraine branch diad pan-shepherding ed saray agagi diad bansa. Saray responsablin brother diad interon bansa et makulikulin manshe-shepherding ed nilibon agagi ya tinmakas ed arum ya lugar diad Ukraine. Dakel so maabig ya resulta na satan ya panshe-shepherding da. Kayarin binisita na sakey ya membro na Branch Committee iray agagi diad western Ukraine, oniay imbalikas na sakey ya sister ya temporaryon manaayam ed Kingdom Hall kaiba so manga 30 ya arum nin wadman diad syudad na Uzhgorod: “Pakaliknak et singa ak lalakapen nen Aman Jehova.”

Mamapasya met iraman ya brother ya i-shepherding iray manga 100 ya makpel ya membro na 27 ya Disaster Relief Committee (DRC). Oniay imbaga nen Ihor ya membro na DRC: “Nen niyasain ak diad DRC, tinaynanan mi la nen asawak may datin abung mi tan mimiayam kami lad arum. Aminsan nen naknaksawan kami la, walay nan-shepherding ed sikami ya membro na Branch Committee, dinengel to kamin maong anggano dakdakel met so gagawaen da. Aliklikna mi ya inar-aro da kami.” Onia ni imbaga nen Ihor: “No wala tayod situasyon ya pakalikna tayo et singa itayo ugugaw, ya agtayo kontroladoy nagagawa, tan agtayo la amtay gawaen tayo noag say manpikasi labat parad panangigiya nen Jehova, sikato lay onkikiwas parad sikatayo.”

Nipaakar ed saray Kingdom Hall ya asingger ed kawalaan na panlalaban, 4 la so agaygay ya maong, 8 so aderal ya maong, tan 33 so medyo aderal.

Nia ray bilang ya inreport anggad Mayo 17, 2022 manlapud Ukraine. Imbase iraya ed saray akompirman report manlapud saray agagi ed Ukraine. Balet, nayarin mas atagey ni so aktual ya bilang lapud mair-irap ya pansiansiaen so komunikasyon ed amin ya lugar diad bansa.

• 37 ya manangipalapag so inatey

• 74 ya manangipalapag so asugatan

• 45,253 ya manangipalapag so tinmaynan ed kaabungan da tan linmad mas safe iran lugar

• 418 ya abung so agaygay

• 466 ya abung so aderal ya maong

• 1,213 ya abung so medyo aderal

• 4 ya Kingdom Hall so aderal

• 8 ya Kingdom Hall so aderal ya maong

• 33 ya Kingdom Hall so medyo aderal

• 27 ya Disaster Relief Committee (DRC) so onkikiwas ed Ukraine

• 48,806 ya manangipalapag so direktan atulongan na saray DRC pian makaanap na mas safe ya napanayaman

• 21,786 ya manangipalapag so linmad arum ya bansa tan tutulongan ira na saray agagi diman