Sang Nobiembre 9, 2022, gin-approve sang Town Board sang Ramapo ang bag-o nga zoning para sa kon paano gamiton ang propiedad. Bangod sini, maka-apply na ang Construction Project Committee (CPC) sang Ramapo project para sa special permit kag site plan approval. a

Dugang pa sa sini, ginpadakuan kag ginbag-o gamay sang mga contractor ang posisyon sang entrance sa propiedad sa Ramapo. Natapos man sang mga construction volunteer ang pagkay-o sang daan nga bato nga taytay sa alagyan malapit sa entrance sang construction site. Ginpalapad kag ginpabakod ang taytay para maagyan ini sang mga construction equipment, ambulansia, kag mga firetruck. Sa una nga bahin sang construction, amo ini nga taytay ang agyan sang tanan nga salakyan.

Si Brother Matthew Mordecki, nga nagaalagad sa CPC, nagsiling: “Bangod sa pagbag-o sa zoning, maka-apply na kita sang special permit kag site plan approval. Puede na sugdan ang pagpang-utod sang mga kahoy kag sang iban pa nga mga tanom sa Disiembre 2022.”

Ginapangamuyo naton nga padayon nga ‘hatagan sing kadalag-an’ ni Jehova ang mga kauturan nga nagaobra sa sini nga construction project.—Nehemias 1:11.