Ena ika19 ni Seviteba 2023, e sere mai valeniveivesu mai Rusia o Brother Aleksandr Nikolayev. E vesu tu me voleka e rua na yabaki. Ni sere, era tavaki koya na tacida, o watina o Yevgeniya, kei ratou na lima na luvedrau.

Ena itekitekivu ni 2021, era curuma vakaukaua na nodratou vale na ovisa. E beitaki qai totogitaki o Aleksandr ena “basulawa” ni veivosakitaka na iVolatabu kei ira nona vuvale kei na itokani.

Ni bera ni vesu, e vakamacalataka o Aleksandr na ka e vukei koya me yalodina tiko ga. E kaya: “Au kila ni na vakaleqa na ivakarau ni noqu rai keu dau rerevaka na tamata. Au saga gona meu kua ni rere. Au masulaka vei Jiova meu nuitaki koya vakaoti, qori sara ga na sala e vakaukauataki au kina.”

Eda marau ni sa sere o Aleksandr qai rawa ni veimaliwai tale kei ratou nona vuvale. Eda vakadeitaka ni o Jiova e dau “marautaki” ira na yalodina vua nira yaloqaqa qai dei nodra vakabauta nira vakacacani.—Same 149:4.