Sang Septiembre 19, 2023, ginpagua si Brother Aleksandr Nikolayev sa prisuhan sa Russia pagkatapos sang halos duha ka tuig nga pagkapriso. Sang nakagua sia, gin-welcome si Aleksandr sang pareho niya nga mga Saksi kag nakaupod na niya liwat ang iya asawa nga si Yevgeniya kag ang ila lima ka kabataan.

Sang una nga mga binulan sang 2021, gin-raid sang mga officer sang FSB kag sang mga riot police ang balay sang mga Nikolayev. Gin-aresto si Aleksandr kag gindala sa prisuhan bangod nagaistorya sia sa iya pamilya kag mga abyan parte sa Biblia.

Antes sia gin-aresto, ginsugid ni Aleksandr kon ano ang nakabulig sa iya nga makapabilin nga matutom. Nagsiling sia: “Narealisar ko nga imposible nga makapamensar ako sing maayo kon nahadlok ako sa tawo kag kon nagaduhaduha ako. Gani wala ko ginatugutan nga kontrolon ako sini nga kahadlok. Nagapangamuyo ako kay Jehova nga buligan niya ako nga magsalig pa gid sa iya, kag ginpabakod gid niya ako paagi sini.”

Ginakalipay naton nga hilway na si Aleksandr kag makaupod na niya liwat ang iya pamilya. Sigurado nga nahamuot si Jehova sa matutom niya nga mga alagad samtang ginapakita nila ang pagtuo kag kaisog kon nagaatubang sila sang mga inhustisya.—Salmo 149:4.