Evaọ edẹ 19 Azie, 2023, a siobọno Brọda Aleksandr Nikolayev no uwou-odi evaọ Russia. Enwenọ ikpe ivẹ ọ rria uwou-odi taure a te ti siobọnoi. Ẹdẹ nọ a ro siobọnoi na, inievo emezae gbe erọ emetẹ mai a nyaze ti dede ei. Kẹsena o te kpo bru aye riẹ Yevgeniya gbe emọ isoi rai.

Evaọ obọ emuhọ 2021, ipolisi nọ a re se FSB gbe ipolisi nọ e rẹ whaha ozighi a nyae kiẹ uwou Aleksandr. A ta nọ Aleksandr o kie uzi keme ọ be hai wuhrẹ ahwo uviuwou riẹ gbe amọfa Ebaibol na. Fikiere a te tu ei ẹdhọ kpohọ okọto, a te brukpei.

Taure a te ti mu Aleksandr, ọ ta oware nọ u fiobọhọ kẹe kru ẹrọwọ riẹ. Ọ ta nọ: “Mẹ riẹ nọ mẹ gbẹ jiroro oware nọ me re ru kpahe otọ no ho, hayo nọ mẹ tẹ be dhozọ ohwo-akpọ, o sae jọ bẹbẹ kẹ omẹ re mẹ riẹ oware nọ me re ru. Fikiere mẹ kuvẹ hẹ re ozọ eware nana i mu omẹ. Mẹ lẹ se Jihova re o fiobọhọ kẹ omẹ rẹroso iẹe riẹriẹriẹ, yọ ere o gine ru.”

Eva e were omai nọ a siobọno Aleksandr no, yọ ọ rrọ kugbe ahwo uviuwou riẹ no enẹna. Ma riẹ nọ Jihova ọ rẹ ‘wereva’ kugbe idibo riẹ nọ i kru ẹrọwọ rai je fievahọ iẹe nọ a te bi kienyẹ ae hayo wọso ae.​—Olezi 149:4.