Pa September 19, 2023, Umwanawitu e Aleksandr Nikolayev wafumizye mu cifungo ca ku Russia pansizi yakumala imyaka yiwili mu cifungo. Walile wafumavye, wazanile awanawitu na wankazi wakumulindilila nu wakwakwe e Yevgeniya na wana wakwe 5.

Mukutalika kwa mwaka wa 2021, wa polisi wano wakakwita ukuti FSB wayile awinjila mu ng’anda ya mwanawitu Nikolayevs. Umwanawitu Aleksandr wamulemile nukumutwala mu cifungo pa mulandu wakuti wasambilizyanga wa lupwa lwakwe ni viwuza e Baibolo.

Pano watano wanyepe umwanawitu, Aleksandr, walanzile vino vyamwavwanga ukutwalilila uwa cisinka kwe Yehova. Watili: “Nzanile ukuti ukutina umuntu kungalenga napotwa ukwelenganya icete. Acino nkakwelezya na maka ukuti tantungululwa ni ntete. Cino nkacita, akupepa vye kwe Yehova pakuti anjavwe namusuwila sana. Nkulola vino akanjavwa nga napepa.”

Tutemilwe nkaninye wo-o vino umwanawitu Aleksandr afumile pakuti akawe ponga nu lupwa lwakwe na swinya. Tungasuwila ukuti e Yehova “akasecelela” nga cakuti awawomvi wakwe watwalilila ukuwa ni cisinka nukusipa napano wafyengwa.​—Amalumbo 149:4.