Pa 19 September 2023, Mubali Aleksandr Nikolayev wakutuzgika mujeri ku Russia wati wajamu vyaka pafufupi viŵi. Aleksandr wati watuzgika mujeri, abali ndi azichi kusazgiyapu muwolu waki Yevgeniya ndi ŵana ŵawu ankhondi angukondwa kumuwona.

Kukwambiriya kwa chaka cha 2021, ŵaraŵara a gulu la FSB kweniso apolisi wo ŵenga ndi futi anguzingiliza nyumba ya mubali Nikolayev. Pa zuŵa lenili Aleksandr angumumanga ndi kuchimumba “mulandu” wakuti akambiskananga fundu za mu Bayibolu ndi mabwezi ngaki kweniso ŵanthu a mubanja laki.

Wechendamangiki, Aleksandr wangukonkhoska vinthu vo vamuwovyanga kuti walutirizgi kuja wakugomezgeka kwaku Yehova. Iyu wangukamba kuti: “Ndiziŵa kuti kopa ŵanthu kweniso kukayikiya vingatimbanyizga mo ndiŵanaŵaniya. Mwaviyo, ndikhumba cha kuti ndiŵengi ndi mantha ngaviyo. Ndingupemphera kwaku Yehova kuti wandiwovyi kuti ndimuthembengi ukongwa ndipu iyu wangundiwovya nadi.”

Te akukondwa kuti pasonu panu Aleksandr wayamba kuchitiya vinthu limoza ndi banja laki. Ndipu tikayikiya cha kuti Yehova “wakondwa” ndi ateŵeti ŵaki akugomezgeka, wo alongo chivwanu kweniso chiganga asani atiŵachitiya vinthu vambula urunji.—Salimo 149:4.