23 MEI 2024
RUSLAND

‘Jehovah sal met my wees’

SPEEL

Die Oeroepski-distrikshof van die Karatjajewo-Circassian Republiek sal binnekort sy uitspraak gee in die saak teen broer Aleksei Pasinkof. Die aanklaer het nog nie ’n spesifieke vonnis aangevra nie.

Profiel

Aleksei Pasinkof

Gebore: 1988 (Moskou, Moskou-streek)

Agtergrond: Is deur ’n enkelma grootgemaak. Aleksei werk as ’n loodgieter en doen binnenshuise afwerking

Toe hy tien jaar oud was, het sy ma saam met Jehovah se Getuies begin studeer. Was beïndruk deur die Getuies se respek vir die Bybel en die liefde wat hulle toon. Aleksei se ma is in 2000 gedoop, en Aleksei in 2002

Trou met Joelija in 2013. Hulle het ’n seun wat gestremd is

Persoonlike kommentare

Watter Bybelteks gee jou en jou vrou die krag om te volhard?

Ek dink baie na oor 1 Korintiërs 10:13, waar dit sê: “Die versoekings wat julle deurmaak, is iets wat ander mense ook deurmaak. Maar God is getrou, en hy sal nie toelaat dat julle ’n versoeking deurmaak wat julle nie kan hanteer nie, maar saam met die versoeking sal hy ook die uitweg gee, sodat julle dit sal kan verduur.” Ek en my vrou het baie moeilike tye oor die afgelope paar jaar deurgemaak. Ons seun is met ’n ernstige verstandelike gestremdheid gebore. Hy is nou agt jaar oud en het gedurig versorging nodig. In 2021 was my vrou se ouers in ’n motorongeluk. Haar pa het gesterf, en haar ma is nou verlam. En toe het hierdie vervolging begin. Hierdie teks herinner my daaraan dat hierdie soort moeilike tye deel is van Satan se wêreld. Maar ons het al baie keer gevoel dat Jehovah na aan ons is en ons die krag gee om te volhard. Ek wil sonder twyfel graag sien dat al hierdie probleme so gou as moontlik weggeneem word. Ek is vol vertroue dat al sou my probleme nog ’n rukkie langer aanhou, Jehovah met my sal wees.

Ons is dankbaar om te weet dat ten spyte van die moeilike tye wat ons deurmaak, ons altyd beskerming by Jehovah kan soek en as gevolg hiervan bly sal wees. – Psalm 5:11.

Tydlyn

23 November 2021

Die owerhede het Aleksei by sy werk gearresteer en toe sy huis deursoek
8 Desember 2022

Kriminele saak word gemaak
3 Maart 2023

Huis word ’n tweede keer deursoek. Aleksei en Joelija word ondervra
31 Maart 2023

Aleksei se ma en sy broers se huis word deursoek
4 Oktober 2023

Word onder reisbeperkings geplaas
14 Desember 2023

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE