MAYO 23, 2024
RUSSIA

“Indi Gid Ako Pagpabay-an ni Jehova”

I-PLAY

Sa indi madugay, ipahibalo sang Urupskiy District Court of the Karachayevo-Circassian Republic ang desisyon sini sa kaso ni Brother Aleksey Pasynkov. Wala pa sing ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Aleksey Pasynkov

Natawo: 1988 (Moscow, Moscow Region)

Biograpiya: Ginpadaku sia sang iya nagasolo nga nanay. Nagaobra si Aleksey bilang plumber kag interior finisher

Nag-Bible study ang iya nanay upod sa mga Saksi ni Jehova sang pulo ka tuig si Aleksey. Nagdayaw sia kon paano ginarespeto sang mga Saksi ang Biblia kag sa gugma nga ila ginapakita. Nabawtismuhan ang nanay ni Aleksey sang 2000, kag nabawtismuhan si Aleksey sang 2002

Napangasawa niya si Yuliya sang 2013. May isa sila ka bata nga lalaki nga disable

Ang Iya Ginsiling

Ano nga teksto sa Biblia ang nakabulig sa imo kag sa imo asawa nga makabatas?

Pirme ko ginapamalandungan ang 1 Corinto 10:13, nga nagasiling: “Wala sing pagsulay nga nagaabot sa inyo nga wala maagihan sang iban. Apang ang Dios matutom, kag indi sia magtugot nga sulayon kamo labaw sa inyo masarangan, apang kon mag-abot ang pagsulay magahimo man sia sang lulutsan agod mabatas ninyo ini.” Nakaatubang kami sang akon asawa sang pila ka mabudlay nga problema sang nagligad nga mga tuig. Ang amon bata nga lalaki may grabe nga mental disability. Walo ka tuig na sia subong kag dapat sia pirme atipanon. Sang 2021, naaksidente ang mga ginikanan sang akon asawa. Napatay ang iya tatay, kag nangin disable ang iya nanay. Dayon ginhingabot kami subong. Ginpahanumdom sa akon sini nga teksto nga ining mga kabudlayan bahin gid sang kabuhi sa sini nga sistema. Pero pirme gid namon nabatyagan nga malapit si Jehova, kag ginahatagan niya kami sang kusog nga makabatas. Siempre, gusto ko na madula dayon ini nga mga problema. Pero nagasalig ako nga bisan maglawig pa ang akon mga kabudlayan, indi gid ako pagpabay-an ni Jehova.

Nalipay kita nga mabal-an nga bisan pa makaeksperiensia kita sang sarisari nga kabudlayan, makadangop kita pirme kay Jehova kag magkasadya sa iya.—Salmo 5:11.

Time Line

Nobiembre 23, 2021

Gin-detain sang mga awtoridad si Aleksey sa iya ulubrahan kag gin-raid ang iya balay
Disiembre 8, 2022

Ginsugdan ang kaso
Marso 3, 2023

Gin-raid liwat ang iya balay. Gin-interogar si Aleksey kag si Yuliya
Marso 31, 2023

Gin-raid ang balay sang nanay ni Aleksey kag sang iya mga utod nga lalaki
Oktubre 4, 2023

Ginbutangan sang restriksion ang iya pagbiyahe
Disiembre 14, 2023

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE