MARSO 22, 2024
RUSSIA

Nahatulan ang 85-Anyos na si Brother Yuriy Yuskov

I-PLAY

Noong Marso 15, 2024, hinatulan ng Novocheboksarsk City Court of the Chuvash Republic si Brother Yuriy Yuskov. Pinatawan siya ng limang-taóng suspended prison sentence. Hindi siya makukulong sa ngayon.

Profile

Yuriy Yuskov

Ipinanganak: 1938 (Selivanovskaya, Rostov Region)

Maikling Impormasyon: Isang welder

Namatay ang asawa ni Yuriy na si Lyudmila noong 2019

Ang anak na lalaki ni Yuriy ang unang naging Saksi ni Jehova sa pamilya. Nagpa-Bible study rin si Yuriy. Naantig ang puso niya sa pag-asang pagkabuhay-muli sa Bibliya. Nabautismuhan si Yuriy noong 2005

Personal na mga Komento a

Paano mo nadama ang suporta ni Jehova habang pinag-uusig ka?

Alam kong mahal ni Jehova ang mga lingkod niya at sinusuportahan niya sila. Personal kong naranasan ’yan. Sinagot ni Jehova ang mga panalangin ko na bigyan ako ng kapayapaan ng isip, at tinulungan niya akong maunawaan ang mga akusasyon sa akin at ang lahat ng nangyayari sa paglilitis. Kahit ang judge, napakabait. Dahil nakita niyang nahihirapan akong tumayo tuwing sasagot ako, pinayagan niya akong manatiling nakaupo. Marami ring kapatid mula sa ibang mga lunsod ang dumayo pa noong nililitis ako. Ang iba naman, tumatawag o sumusulat. Sabi nila: “Brother Yuriy, huwag kang susuko! Kasama mo si Jehova. Ipinapanalangin ka namin.” Ramdam na ramdam ko na napakalapít namin ni Jehova, at nagpapasalamat ako sa awa niya.

Nagpapasalamat tayo sa halimbawa ng pananampalataya ng may-edad nating mga kapatid gaya ni Yuriy. Sigurado tayo na hinding-hindi sila iiwan ni Jehova at patuloy niyang gagamitin ang kapangyarihan niya para sa kanila.—Awit 71:18, 19.

Time Line

Mayo 4, 2023

Sinampahan ng kasong kriminal
Mayo 5, 2023

Hinalughog ang bahay niya. Pinagbawalang umalis ng kanilang lugar
Enero 23, 2024

Nagsimula ang paglilitis
Marso 15, 2024

Nahatulan at nasentensiyahan ng limang-taóng suspended prison sentence

a Nakuha ang personal na mga komento ni Brother Yuskov bago siya masentensiyahan.

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE