No manaaral kay sakey ya lenguahe, odino labay mon i-share so impormasyon manlapud jw.org ed sakey ya dumay lenguahe to, usaren so sakey ed saray taloran paraan diad leksab pian naanap so karga ed lenguahen labay mo.

•  Salatan so lenguahe na site

•  Nengnengen so Web page ed sananey ya lenguahe

•  Anapen ed sananey a lenguahe so publikasyon

Kada lenguahe et walay sakey ed sarayan icon diad kawigi to:

• Say website, odino walay kabiangan na satan ya in-translate ed satan ya lenguahe. Pindoten so lenguahe pian magmaliw ya atan so lenguahe na site.

• Say site et agni ni-translate ed satan ya lenguahe, balet wala ray publikasyon ya na-download. Pindoten so lenguahe pian nanengneng iray available ya publikasyon.

• Sign language iya.

  No say sakey a kabiangan na jw.org et ni-translate ed sign language ya pinilim, magmaliw ya atan so lenguahe na site.

  No say jw.org et agni ni-translate ed sign language ya pinilim, nanengneng mo ray publikasyon ya available ed satan ya sign language.

Lapud nilasus ya lenguahe so walad listaan, usaren so sakey ed sarayan feature pian maples mon naanap so labay mon lenguahe:

• Manpili na paboriton lenguahe: Say apatiran lenguahe ya sampot ya pinilim et walad unaan na listaan.

• I-type so ngaran na lenguahe: I-type so pigaran character na ngaran na lenguahe, diad lenguahem odino ed lenguahen aanapen mo. Singa bilang, no English so lenguahe na site mo tan labay mon salatan na German, i-type so “German” o “Deutsch.” Legan mon ita-type so kada character, ompaway iray lenguahe ya man-match ed saray character ya ita-type mo.

Paraan 1: Usaren iyan paraan ed page ya walay drop-down list ton Basaen ed.

Onla ed artikulo ya labay mon basaen o i-share. Insan manpili na lenguahe ed drop-down list ya Basaen ed pian nanengneng so artikulo ed satan ya lenguahe. (No say aanapen mon lenguahe ed anggapod drop-down list ya Basaen ed, labay ton ibaga ya say artikulo et agni im-publish ed satan ya lenguahe.)

Tip: Diad drop-down list ya Basaen ed, no walay audio icon ed kawigi na lenguahe, labay ton ibaga walay audio recording na satan ya artikulo ed satan ya lenguahe.

No manpili kay sananey a lenguahe parad sakey ya artikulo diad drop-down list ya Basaen ed, atan labat ya artikulo so nanengneng ed satan ya lenguahe. Say arum ya kabiangan na site et siansia nin walad datin lenguahe.

Paraan 2: No say artikulon babasaen mo et anggapoy drop-down list ya Basaen ed, usaren so Language Picker pian salatan so lenguahe na site. No say artikulo ya babasaen mo et available ed lenguahen pinilim, ompaway itan. No andi, iyakar to kad home page na lenguahen pinilim.

Onlad PUBLIKASYON > IREREKOMENDA. Manpili na lenguahe ed drop-down list tan pindoten so Mananap.

Usaren so sakey ed sarayan feature pian maples ya naanap so lenguahe:

• Manpili na paboriton lenguahe: Say apatiran lenguahe ya sampot ya pinilim et walad unaan na listaan.

• I-type so ngaran na lenguahe: I-type so pigaran character na ngaran na lenguahe, diad lenguahem odino ed lenguahen aanapen mo. Singa bilang, no English so lenguahe na site mo tan labay mon salatan na German, i-type so “German” o “Deutsch.” Legan mon ita-type so kada character, ompaway iray lenguahe ya man-match ed saray character ya ita-type mo.

No dakel so available ya publikasyon ed pinilim ya lenguahe, pigara labat ed saratan so nanengneng ed IREREKOMENDA. Pian nanengneng ni arum ya publikasyon ed pinilim ya lenguahe, onlad sakey a klase na publikasyon (singa say LIBRO TAN BROSYUR o MAGASIN) pian nanengneng iray ontan a klase na publikasyon ya available ed pinilim a lenguahe.

No anggapoy ontan a klase na publikasyon ed lenguahen pinilim, ompaway iray link ed saray klase na publikasyon ya available.