Wa táan a kanik uláakʼ idioma bey xan wa taak a weʼesik junpʼéel publicación tiʼ máax tʼanik yaanal idiomaeʼ jeʼel u páajtal a beetik le baʼaxoʼob ku yaʼalaʼal kabalaʼ.

•  Kʼex u idiomail le sitiooʼ

•  Kʼex u idiomail le baʼax ka xokikoʼ

•  Kaxt junpʼéel publicación ichil uláakʼ idioma

Tu x-tsʼíik cada idiomaeʼ yaan a wilik le figuraʼobaʼ:

• Lelaʼ u kʼáat u yaʼaleʼ le sitio jw.org beetaʼan ichil le idiomaoʼ. Wa ka péetsʼkʼabtik u kʼaabaʼ le idiomaoʼ yaan u jeʼepajal jw.org ichil le idioma ta yéeyoʼ.

• Lelaʼ u kʼáat u yaʼaleʼ le sitio jw.org minaʼan ichil le idiomaoʼ, baʼaleʼ yaan publicaciónoʼob utiaʼal a descargarte. Wa ka péetsʼkʼabtik u kʼaabaʼ le idiomaoʼ yaan u chíikpajal u listail le publicaciónoʼob yaan ichil le idiomaoʼ.

• Le figuraaʼ ku chíikbesik le idiomaʼob yaan ich señasoʼ. Le publicaciónoʼob yaan ich señasoʼ maases de videoʼob.

  Utiaʼal a wilik chéen le idiomaʼob yaan ich señasoʼ tsʼáankʼabt le chan cuadro ku yaʼalik Chéen lengua de señas.

Utiaʼal a séeb kaxtik le idioma a kʼáatoʼ jeʼel u páajtal a beetik junpʼéel tiʼ le baʼaloʼob ku yaʼalaʼal teʼelaʼ.

• Yéey le idiomaʼob suuk u meyajtechoʼ: Le u tsʼook kanpʼéel idiomaʼob ta yéeyoʼ yaan u chíikpajloʼob tu kaʼanlil le listaoʼ.

• Tsʼíibt le idioma ka kaxtikoʼ: Tsʼíibt u yáax letrailoʼob le idioma a kʼáat a kaxtoʼ. Jeʼel u páajtal xan a tsʼíibtik ichil le idioma a kʼáat a kaxtoʼ. Por ejemploeʼ wa a jeʼekʼabtmaj jw.org ich maaya yéetel a kʼáat a kʼex ich ingléseʼ jeʼel u páajtal a tsʼíibtik «Inglés» wa «English». Cada ken a tsʼíibt uláakʼ letraeʼ le listaoʼ yaan u bin u chichantal, yaan u yeʼesiktech chéen le idiomaʼob ku káajal u kʼaabaʼob yéetel le letraʼob ka tsʼíibtikoʼ.

Junpʼéel bixeʼ letiʼe ka a kʼex u idiomail le baʼax ka xokik teʼ cuadro ku yaʼalik Xok ich.

Yáaxeʼ kaxt le publicación a kʼáat a xokoʼ wa le jaats a kʼáat a weʼes tiʼ wa máaxoʼ, tsʼoʼoleʼ ka tsʼáankʼabtik le cuadro tuʼux ku yaʼalik Xok ich utiaʼal u chíikpajal u listail le idiomaʼoboʼ. Yéey le idioma a kʼáatoʼ. (Wa teʼ lista maʼ tu chíikpajal le idioma ka kaxtikoʼ u kʼáat u yaʼaleʼ le baʼax a kʼáat a xokoʼ maʼ jóoʼsaʼak ichil le idioma jeʼeloʼ).

Chʼaʼa en cuenta lelaʼ: Wa yaan u figurail junpʼéel audífono tu tséel junpʼéel publicacióneʼ u kʼáat u yaʼaleʼ beetaʼan u grabaciónil ichil le idioma jeʼeloʼ.

Le chan cuadro Xok ich, chéen ku kʼexik u idiomail le baʼax a kʼáat a xokoʼ, maʼ tu kʼexik u idiomail le sitiooʼ.

U kaʼapʼéel bixeʼ letiʼe ka a kʼex u idiomail le sitiooʼ. Wa le baʼax ka xokik maʼ tu taasik le chan cuadro Xok ich, tsʼáankʼabt le chan cuadro Yéey u idiomail utiaʼal a kʼexik u idiomail le sitiooʼ. Wa le baʼax ka xokik traducirtaʼan ichil le idioma ta yéeyoʼ yaan u chíikpajliʼ, pero wa minaʼaneʼ chéen yaan u jeʼekʼabtiktech le sitio ichil le idioma ta yéeyoʼ.

Kaxt PUBLICACIÓNOʼOB, yéey junpʼéel idioma ichil le lista ku chíikpajloʼ, tu tsʼookeʼ tsʼáankʼabt le cuadro Kaxte.

Utiaʼal u séeb chíikpajal le idioma ka kaxtikoʼ maʼalob ka káajak a tsʼíibtik u kʼaabaʼ le idiomaoʼ, beyoʼ yaan u yeʼesiktech chéen le idiomaʼob chíikaʼanoʼob tiʼ u kʼaabaʼ le idioma táan a kaxtikoʼ.

Wa yaʼab PUBLICACIÓNOʼOB beetaʼan ichil le idioma ka kaxtikoʼ maʼ ten u yeʼestech tuláakal, chéen yaan u yeʼesiktech le tuʼux maases jeʼel a kaxtikoʼ. Wa a kʼáat a kaxt chéen junpʼéel clase publicacióneʼ yéey le tuʼux tsʼaʼanoʼ (por ejemplo LIBROʼOB YÉETEL FOLLETOʼOB wa REVISTAʼOB).

Wa le publicación maʼ beetaʼan ichil le idioma táan a kaxtikoʼ yaan u yeʼesiktech uláakʼ publicaciónoʼob yaan ichil le idiomao’.