Bibilia ya New World Translation of the Holy Scriptures (ya wĩruti) nĩ ĩkoragwo na icunjĩ nyingĩ cingĩgũteithia ũkĩĩruta, ta ici irĩ haha:

• Ũhoro mũnini wĩgiĩ ibuku rĩa Bibilia na video ya ũhoro wa kwambĩrĩria wa ibuku rĩu

• Ũhoro na njĩra nguhĩ kana maũndũ marĩa manene thĩinĩ wa o ibuku rĩa Bibilia

• Maũndũ ma kwĩruta kuuma mĩhari-inĩ

• Ũhoro wa magũrũ-inĩ wa gũtaarĩria ciugo

• Mĩhari ya kũringithania ĩbangĩtwo kũringana na gĩcunjĩ

• Mbica na video

• Ũthathaũri wa ciugo cia Bibilia

• Ũhoro mũongerere ũrĩ na mapu, mĩcoro na maũndũ mangĩ ma gũgũteithia ũgĩka ũthuthuria

• O mũrango nĩ ũthometwo na mũgambo

• Ũrĩa mũhari ũtaũrĩtwo Bibilia-inĩ ingĩ

Mweri wa Oktomba 2015, ibuku rĩa Mathayo nĩ rĩekĩrirwo na rũthiomi rwa Gĩthũngũ. Mabuku mangĩ ma Bibilia nĩ marĩongagĩrĩrwo marĩkia kũhaarĩrio.

Hũthĩra maũndũ maya kwĩruta ũrĩa ũngĩhũthĩra maũndũ marĩa marĩ thĩinĩ wa Bibilia ya Wĩruti:

• Thiĩ harĩ ibuku rĩa Bibilia na ũhingũre mũrango

• Hũthĩra maũndũ ma gũgũteithia ũgĩthoma mũrango wa Bibilia

• Wĩrorere mbica na video ciĩgiĩ ibuku rĩa Bibilia

• Hũthĩra icunjĩ cia maũndũ marĩa manene, ũhoro muongerere, kana ũthathaũri wa ciugo ibuku-inĩ rĩu rĩa Bibilia

Thiĩ harĩ MABUKU > BIBILIA na ũhihinye ngothi ya New World Translation of the Holy Scriptures (ya wĩruti) kana kĩongo kĩa Bibilia ĩyo.

Gacunjĩ ka Ũhoro Ũrĩa ũrĩ Thĩinĩ konanagia na rangi wa mburuu mabuku ma Bibilia marĩa mekĩrĩtwo. Ningĩ ũrĩ hau no ũhote kũhingũra ũthathaũri wa ciugo, ũhoro muongerere, na mbica kana video.

• Hihinya Muonekanĩre wa Ikĩgamĩte nĩguo wone maũndũ marĩa marĩ thĩinĩ wa Bibilia ya Wĩruti mabangĩtwo makĩgamĩte. Ũũ nĩguo ĩikaraga wahingũra.

• Hihinya Muonekanĩre wa Ciikũrũkĩte nĩguo wone maũndũ marĩa marĩ thĩinĩ mabangĩtwo maikũrũkĩte, Maandĩko ma Kĩhibirania na Maandĩko ma Gĩkristiano ma Kĩngiriki mabangĩtwo mwanya.

Hihinya ibuku rĩa Bibilia. Ũkuona mĩrango ya ibuku rĩu, maũndũ marĩa manene ma rĩo, na tũrũũri tũngĩ twĩrĩ tũrĩa tũronania:

• Ũhoro mũnini wĩgiĩ ibuku rĩa Bibilia rĩrĩa ũhingũrĩte, na video ya ũhoro wa kwambĩrĩria wa ibuku rĩu.

• Maũndũ marĩa manene ma ibuku rĩa Bibilia rĩrĩa ũhingũrĩte. Gĩcunjĩ kĩa ũhoro ũrĩa ũrĩ thĩinĩ kĩa Bibilia ya Wĩruti kĩonanagia maũndũ marĩa marĩ ibuku-inĩ rĩrĩa ũhingũrĩte na kwoguo nĩ ngũrani na kĩa Bibilia ya New World Translation ĩrĩa ĩcabĩtwo, kĩrĩa kĩonanagia maũndũ marĩa marĩ thĩinĩ wa o mũrango wa ibuku rĩna rĩa Bibilia.

Thuura mũrango ũrĩa ũrenda gũthoma.

Igũrũ wa gĩcunjĩ kĩu nĩ honanagia ibuku rĩrĩa ũhingũrĩte, na mũrango. Hũthĩra tũcunjĩ tũu gũthuura ibuku rĩngĩ rĩa Bibilia, mũrango ũngĩ, kana ũhoro ũngĩ thĩinĩ wa Bibilia ya Wĩruti, ta maũndũ marĩa manene kana ũthathaũri wa ciugo.

Mwena wa ũmotho nĩguo wa Gũthoma na wonanagia mĩhari na ndũmĩrĩri ĩrĩa ĩrĩ thĩinĩ wa mũrango ũcio, naguo mwena wa ũrĩo nĩ wa Kwĩruta. (Ririkana: Mwena wa Kwĩruta ũkoragwo wĩhithĩte angĩkorũo ũrahingũra na gĩcicio gĩtarĩ kĩnene, ĩndĩ nĩ wonekaga mũndũ angĩhutia mũhari, karũũri ka ũhoro wa magũrũ-inĩ, ndemwa ya mũhari wa kũringithania, kana karũũri ka Onania.)

Ũhoro ũyũ ũrũmĩrĩire no ũgũteithie kũhũthĩra tũcunjĩ twa gũgũteithia ũkĩĩruta:

• Hihinya mũrango kana mũhari nĩguo mwena wa Kwĩruta ũhingũke maũndũ marĩa ũngĩĩruta makonainie na mũhari ũcio.

• Hihinya karũũri ka ũhoro wa magũrũ-inĩ nĩguo wone ũhoro ũrĩa ũkonainie na kiugo kana ciugo icio.

• Hihinya ndemwa ya mũhari wa kũringithania nĩguo ũhingũre mĩhari ĩyo ya kũringithania na wone ũhoro wĩgiĩ rũgano rũrĩa rũrarĩrĩrio, o hau mwena wa Kwĩruta.

• Nĩguo ũthikĩrĩrie mũhari mũna rĩrĩa ũrathoma mũrango ũthometwo na mũgambo, hihinya ciugo iria irĩ mũhari-inĩ ũcio ũcoke ũhihinye karũũri ka mũgambo karĩa gekuumĩra.

• Nĩguo ũthikĩrĩrie mũrango ũcio kuuma kĩambĩrĩria, hihinya karũũri ga Thaaka karĩa karĩ rũgongo rwa mũrango ũcio.

• Ũgĩthoma rĩandĩko rĩgwetetwo, hihinya karũũri ga Thaaka nĩguo ũthikĩrĩrie gacunjĩ kau ka rĩandĩko gagĩthomwo.

• Hihinya karũũri ka Rũgamia nĩguo ũrũgamie mũgambo.

• Hihinya karũũri ka Hithũria nĩguo ũhotithie gĩcunjĩ kĩa Hithũria mwena wa Kwĩruta na wone maũndũ mothe ma kwĩruta, ũhoro wa magũrũ-inĩ, mĩhari ya kũringithania, na mbica kana video ciĩgiĩ mũrango ũrĩa ũhingũrĩte. (Gĩcunjĩ gĩkĩ nĩ kĩĩhingũraga wahingũra mũrango wa Bibilia.)

• Hihinya karũũri ga Kũringithania Bibilia nĩguo gĩcunjĩ gĩa Kũringithania Bibilia kĩhingũke hau mwena wa Kwĩruta na wone ũrĩa Bibilia ingĩ itaũrĩte mũhari ũcio.

• Hihinya karũũri ka Mĩhari ya Kũringithania nĩguo Mĩhari ya Kũringithania ĩhingũke hau mwena wa Kwĩruta na wone mĩhari yothe ya kũringithania ya mũrango ũcio ĩbangĩtwo.

• Nĩguo wone mwena wa Kwĩruta ũkĩhũthĩra thimũ kana kĩndũ kĩngĩ gĩtarĩ na gĩcicio kĩnene, hihinya karũũri ka Onania.

• Nĩguo ũtige kuona mwena wa kwĩruta, hihinya karũũri ka Hitha.

Gacunjĩ ka Hithũria

Gacunjĩ ka Hithũria kambagĩrĩria na maũndũ marĩa manene ma ibuku rĩu, marĩa marĩ mũrango-inĩ ũrĩa ũrathoma. Angĩkorũo maũndũ marĩa manene magayanĩtio na tũcunjĩ, hihinya karũũri ga kuongerera (+) nĩguo wone tũcunjĩ tũu kana ga gũkuruta (-) nĩguo ũtũhithe.

Thutha ũcio, harĩ o mũhari nĩ ũkuona:

• Maũndũ ma Kwĩruta: Maũndũ marĩa ũngĩĩruta kuuma mũhari ũcio.

• Mbica na Video: Mbica kana video iria ikonainie na mũhari ũcio. Hihinya mbica kana ũhoro ũrĩa ũramĩtaarĩria nĩguo ũhingũre Gĩcunjĩ kĩa Mbica na Video wĩrute makĩria.

• Ũhoro wa Magũrũ-inĩ: Ũhoro makĩria wĩgiĩ ciugo thĩinĩ wa mũhari ũcio.

• Mĩhari ya Kũringithania: Mĩhari ya kũringithania ĩrĩa ĩhutanĩtie na ciugo iria irĩ thĩinĩ wa mũhari ũcio. Hihinya karũũri ga kuongerera (+) nĩguo wone wega gĩcunjĩ kĩu na wone ciugo cia Rĩandĩko rĩu. Hihinya karũũri ga kũruta nĩguo ũtige kũona ũhoro ũcio na ũhithe ciugo icio cia Rĩandĩko rĩu.

Ũrĩ mwena wa Gũthoma, hihinya mũhari, karũũri ka ũhoro wa magũrũ-inĩ, kana ndemwa ya mũhari wa kũringithania nĩguo ũhoro wa kwĩruta ũrĩa ũkonainie na gĩcunjĩ kĩu ũhingũke mwena-inĩ wa Kwĩruta.

Gacunjĩ ga Kũringithania Bibilia

Gacunjĩ ga Kũringithania Bibilia konanagia ũrĩa mũhari ũcio ũtaũrĩtwo thĩinĩ wa Bibilia ingĩ. Hutia mũhari ngũrani hau mwena wa Gũthoma nĩguo wone ũrĩa Bibilia ingĩ itaũrĩte mũhari ũcio.

Gacunjĩ ka Mĩhari ya Kũringithania

Gacunjĩ ka Mĩhari ya Kũringithania konanagia mĩhari yothe ya kũringithania ĩrĩa ĩkoniĩ mũrango ũrĩa ũrathoma, ĩgayanĩtio maita matatũ:

1. Rũgano Rũhanaine: Rũgano rũhanaine na rũrĩa ũrathoma thĩinĩ wa mũrango ũngĩ kana ibuku rĩngĩ rĩa Bibilia.

2. Ciugo cia Rĩandĩko: Mĩhari ĩngĩ ya Bibilia ĩrĩa ĩgwetetwo thĩinĩ wa mũrango ũrĩa ũrathoma.

3. Ũhoro Ũngĩ: Mĩhari ĩngĩ ya kũringithania no ti rũgano rũhanaine, na ti ciugo cia mũhari ũcio. No ĩkorũo na ũhoro ũngĩ wĩgiĩ mũndũ ũrĩa ũgwetetwo kana kũndũ, ciugo ihanaine na iria igwetetwo, kũhingio kwa ũrathi, kana ũtaaro ũhanaine na ũrĩa ũrarĩrĩrio.

O handũ, hihinya karũũri ga kuongerera (+) nĩguo wone mĩhari yothe ya kũringithania ya mũhari ũcio na wone ciugo cia Rĩandĩko rĩu, kana ũhihinye karũũri ga kũruta (-) nĩguo ũhithe mĩhari ĩyo na ciugo icio cia Rĩandĩko.

Hihinya gathandũkũ ga Thuura Ciothe karĩa karĩ hakuhĩ na gĩcunjĩ kĩu nĩguo mĩhari yothe ya kũringithania yonekere hau mwena wa Gũthoma. Ũndũ ũcio no ũgũteithie, kwa ngerekano angĩkorũo nĩ ũrenda kũmenya kũrĩa mwandĩki wa Maandĩko ma Gĩkristiano ma Kĩngiriki andĩkĩte ũhoro ũrĩ thĩinĩ wa Maandĩko ma Kĩhibirania.

Gĩcunjĩ kĩa Mbica na Video gĩkoragwo na mbica na video iria ihutanĩtie na ibuku rĩa Bibilia. Mbica na video ikoragwo irũmanĩrĩire kũringana na ũrĩa igwetetwo ibuku-inĩ rĩu.

No ũthiĩ harĩ Gĩcunjĩ kĩa Mbica na Video ũkĩrũmĩrĩra njĩra ici:

• Hihinya mbica ĩrĩa ĩrĩ hau mwena wa Gũthoma.

• Thiĩ harĩ Ũhoro Ũrĩa ũrĩ Thĩinĩ na ũhihinye Mbica. Hihinya mbica ĩyo kana rĩĩtwa rĩa ibuku rĩa Bibilia.

Gĩcunjĩ kĩa Mbica na Video kĩrĩ na tũcunjĩ tũtatũ:

1. Mbica kana video. Hihinya Kamũguĩ ka Mwena wa Ũrĩo kana Kamũguĩ ka Mwena wa Ũmotho nĩguo wone mbica ĩrĩa ĩrũmĩrĩire kana ĩrĩa ĩhĩtũkĩte.

2. Kohoro karataarĩria mbica na karonania maandĩko mangĩ marĩa marĩrĩirie mbica ĩyo gĩcunjĩ-inĩ gĩa Kwĩruta.

   Angĩkorũo ũrahũthĩra thimu kana kĩndũ kĩngĩ gĩtarĩ na gĩcicio kĩnene, hihinya karũũri ka Onania Kohoro nĩguo wone kohoro ka mbica ĩyo.

3. Tũbica tũnini tũrũmanĩrĩire tũrĩa tũronania mbica na video iria irĩ ho. Hihinya Kamũguĩ ka Mwena wa Ũrĩo kana Kamũguĩ ka Mwena wa Ũmotho nĩguo wone tũbica makĩria. Hihinya kabica kamwe nĩguo wone mbica kana video ĩyo.

Wathuura mbica, no ũmĩnenehie kana ũmĩnyihie ũkĩhũthĩra karũũri ga Kũnenehia kana ga Kũnyihia, na angĩkorũo nĩ gĩcicio gĩa kũhutia (touch screen), ũhũthĩre njĩra ya gũkunya kana kwandandũra gĩcicio.

Ũngĩthuura video, hũthĩra karũũri ga gũthaaka kana ga kũrũgamia, na no ũmĩĩrorere na gĩcicio gĩothe.

Harĩ na njĩra igĩrĩ cia gũthiĩ harĩ tũcunjĩ tũu:

• Hihinya ũhoro wonanĩtio mwena-inĩ wa Kwĩruta.

• Thuura gĩcunjĩ kĩmwe kuuma harĩ Ũhoro Ũrĩa ũrĩ Thĩinĩ kana kuuma harĩ gacunjĩ karĩa karonania tũcunjĩ tũu.

Maũndũ marĩa manene ma ibuku rĩa Bibilia monanĩtio na njĩra ya matemo. Hihinya karũũri ga kuongerera (+) nĩguo wone ũhoro wothe na maũndũ marĩa magwetetwo thĩinĩ wa gĩcunjĩ kĩu, kana ũhihinye ga kũruta (-) nĩguo ũhithe ũhoro ũcio.

Ũthathaũri wa ciugo wonanagia ciugo iria ihũthĩrĩtwo Bibilia-inĩ na ũrĩa ciugĩte. Ũngĩhihinya kiugo gĩtaarĩirio thĩinĩ wa ũthathaũri wa ciugo ũrĩ mwena-inĩ wa Kwĩruta, ũgũtwaro ĩmwe kwa ĩmwe harĩ kiugo kĩu thĩinĩ wa ũthathaũri wa ciugo.

Ũngĩthiĩ harĩ ũthathaũri wa ciugo kũgerera Ũhoro Ũrĩa ũrĩ Thĩinĩ kana kũgerera gũthuura kuuma harĩ gacunjĩ karĩa karonania tũcunjĩ tũu, hihinya ndemwa ĩmwe harĩ ndemwa iria cionanĩtio nĩguo ũtwarũo harĩ kiugo kĩa mbere kĩrĩa kĩambĩrĩirie na ndemwa ĩyo, ũcoke ũikũrũke ũgĩethaga kiugo kĩrĩa ũrenda.

Icunjĩ imwe cia ũhoro muongerere cionanagia ũhoro na njĩra igĩrĩ; ta mbica ĩmwe (ĩronania ũrĩa ũhoro ũcio ũcabĩtwo thĩinĩ wa New World Translation), kana ũhoro mwandĩke na mbica irĩ mwanya.

• Wĩrorere gĩcunjĩ kĩu kĩrĩ mbica. Hihinya mbica nĩguo ũmĩhingũrĩre Ha Kuonera Mbica. No ũnenehie kana ũnyihie mbica ũkĩhũthĩra karũũri ga Kũnenehia kana ga Kũnyihia, na angĩkorũo nĩ gĩcicio gĩa kũhutia (touch screen), ũhũthĩre njĩra ya gũkunya kana kwandandũra gĩcicio.

• Wĩrorere gĩcunjĩ kĩu kĩrĩ ũhoro mwandĩke na mbica irĩ mwanya. Hau no ũhote kũhihinya Maandĩko mahingũke kana ũhihinye ũhoro ũngĩ ũgwetetwo ũhingũkĩre hau mwena wa Kwĩruta.