Setuju do Au tu Pandangan ni Debata taringot Mudar
Setuju do Au tu Pandangan ni Debata taringot Mudar
Sahalak Dokter na Manceritahon Pengalamanna
TIKKI I, di auditorium ni sada rumah sakit do au lao paboahon hasil otopsi ni sahalak pasien di jolo ni akka dokter. Alani tumor ganas do mate pasien i. Jala hudok ma, “Boi tasimpulhon, alani hemolisis do makana mate pasien i. Jala gabe sega do ginjalna ala pagodangku mudar na ditransfusihon tu ibana.”
Jongjong ma sahalak professor jala berteriak ma ibana, “Maksudmu sala do mudar na ditransfusihon hami?” Hudok ma, “Dang i maksudhu.” Hupatudu ma akka bagian ni ginjal ni pasien i. Jala hudok ma, “Boi ma taida godang do sel darah merah na hancur di ginjalna. Alani i ma gabe sega ginjalna.” * Gabe tegang ma suasana sappe gabe koring babakku. Nang pe dokter na baru au, jala sahalak profesor ibana, alai dang mabiar au.
Dang Saksi Jahowa dope au tikki terjadi perdebatan i. Tubu taon 1943 do au di Sendai, i ma sada kota di bagian utara ni Jepang. Ala sahalak patolog dohot psikiater bapakku, marcita-cita do au gabe dokter. Dua taon dung kuliah au di fakultas kedokteran, i ma di taon 1970, menikah ma au tu sahalak borua na poso, goarna si Masuko.
Masuk tu Bagian Patologi
Dohot do si Masuko karejo lao membiayai kebutuhannami. Molo au torus do au kuliah. Lomo rohakku tu bidang kedokteran. Luar biasa do menuruthu rancangan ni tubuh ni jolma. Alai dang hea tarpikkir au tu Debata. Menuruthu sian riset medis do boi huboto tujuan ni ngolukku. Alani i dung gabe dokter au, huputusson ma melanjutton sikkolakku tu bagian patologi, i ma bagian na khusus mamparsiajari taringot sahit.
Tikki huotopsi akka pasien na mate alani kanker, mulai ma au ragu marguna transfusi darah i. Biasana gabe anemia do pasien na marsahit kanker ala sering nasida pendarahan. Jala alani kemoterapi gabe lam parah ma anemiana i. Jadi dijujui dokter ma ibana asa manjalo transfusi darah. Alai menuruthu, justru gabe lam parah do kankerna alani transfusi darah. Apalagi saonari nungnga sude mamboto gabe dang bekerja be kekebalan tubuh ni sasahalak molo manjalo transfusi darah. On ma na mambahen gabe kambuh sahit tumor ni sasahalak, manang gabe jeppek umur ni na marsahit kanker. *
Di taon 1975, berdebat ma au tu sahalak profesor songon na dipaboa di awal ni cerita on. Profesor i do na martanggung jawab tu parmate ni pasien i. Jala sahalak spesialis do ibana di bidang hematologi. Alani i ma, muruk hian ibana tikki hudok transfusi darah do na mambahen mate pasienna. Alai hulanjutton do presentasikki. Palan-palan, gabe tenang ma profesor i.
Dang Adong Sahit dohot Hamatean
Hira-hira di tikki i ma ro sahalak Saksi Jahowa manjuppangi istrikku. Sahalak borua naung matua do ibana. Dipakke ibana do goar ni Jahowa tikki paboahon barita na uli. Jadi disukkun istrikku ma goar ni ise do i. Dialusi Saksi i ma, “Goar ni Debata na sittong do Jahowa.” Nungnga sian na gelleng si Masuko manjaha Bibel. Alai nungnga digatti goar ni Debata di Bibel na dijahana i gabe “TUHAN”. Saonari diboto ibana ma adong do hape goar ni Debata!
Tikki i, pittor marsiajar Bibel ma si Masuko rap dohot Saksi Jahowa naung matua i. Tikki mulak au sian rumah sakit hira-hira jam sada borngin, las hian ma roha ni istrikku mandok tu au, “Didok di Bibel, dang na lao adong be sahit dohot hamatean!” Hualusi ma, “Denggan ma i!” Didok ibana muse, “Ala naeng ro nama tano na imbaru satokkin nai, unang be pakke tikkim tu na so marguna.” Hurippu disuru ibana au asa so gabe dokter. Alani i gabe muruk ma au jala gabe sering ma hami marsoal.
Alai dang menyerah istrikku mangajak au marsiajar Bibel. Martangiang do ibana tu Debata asa diurupi mangalului ayat na cocok patuduonna tu au. Adong sada ayat na dipatudu ibana tu au na hona tu rohakku, i ma di Parjamita 2:22, 23. Didok, “Molo tung pe loja jolma mangulahon ulaonna di tano on jala marsitutu ibana mangulahon i, tung aha ma dapotna? . . . Tikki borngin pe, dang sonang rohana. On pe sia-sia do.” Hira na dipaboa di ayat on do na hurasahon saonari. Hupakke do tikkikku tu ilmu kedokteran arian nang borngin. Alai tetap do dang las rohakku.
Jadi di ari Minggu pagi di bulan Juli 1975, huputusson ma lao tu Bale Harajaon ni Saksi Jahowa. Nungnga parjolo istrikku borhat. Jadi tarsonggot hian ma istrikku tikki diida ibana au ro. Burju-burju do Saksi Jahowa na disi tu au. Mulai sian i, taratur ma au marpungu di ari Minggu. Sabulan dukkon i, mulai ma au marsiajar Bibel. Jala dung tolu bulan istrikku marsiajar Bibel, tardidi ma ibana.
Setuju tu Pandangan ni Debata taringot Mudar
Dung marsiajar Bibel huboto ma, ikkon dipadao halak Kristen do dirina “sian mudar”. (Ulaon ni Apostel 15:28, 29; 1 Musa 9:4) Ala memang ragu au saleleng on marguna transfusi darah, pittor setuju do au tu pandangan ni Debata taringot mudar. * Didok rohakku do, ‘Molo toho do adong Debata jala Hatana do i, berarti i do na sittong.’
Huparsiajari ma muse, alani dosa ni si Adam do makana marsahit jala mate jolma. (Rom 5:12) Tikki i, lagi mambahen riset do au taringot arteriosklerosis. Molo nga lam matua hita, lam karas ma pembuluh darahta jala gabe soppit. On ma na mambahen akka sahit songon sahit jantung, kelainan pembuluh darah otak, dohot sahit ginjal. Sadalan do on tu na huparsiajari, i ma ala dang sempurna be hita. Dung i gabe dang semangat be au mambahen riset i. Alana holan Jahowa do na boi mambahen dang adong be sahit dohot hamatean!
Pitu bulan dung marsiajar Bibel au, i ma di bulan Maret 1976, hupaso ma penelitianku di rumah sakit ni universitas. Agak mabiar do au tikki i, so tung dang boi be au gabe dokter. Alai dukkon i, dapottu ma karejo di rumah sakit na asing. Tardidi ma au di bulan Mei 1976. Jala di bulan Juli 1977, huputusson ma gabe perintis.
Mambela Pandangan ni Debata taringot Mudar
Di bulan November 1979, pinda ma au dohot si Masuko tu sada huria na porlu diurupi, i ma huria di Prefektur Chiba. Adong do disi sada rumah sakit na olo manjalo au karejo penggal waktu. Di ari na parjolo au karejo, ro ma piga-piga ahli bedah manukkuni au. Didok nasida, “Ala sahalak Saksi Jahowa Dokter, aha ma na diulahon Dokter molo adong pasien na ikkon manjalo transfusi darah?”
Jadi denggan ma hupaboa tu nasida, pasti Hata ni Debata do na huihutton. Alai hupatorang do muse tu nasida, adong do sebenarna piga-piga alternatif asa unang manjalo transfusi darah. Jala pasti berusaha do au nasa tolaphu lao mangurupi pasienku. Dung hira-hira sajom hami martukkar pikkiran, didok kepala ahli bedah ma, “Huattusi do situasim. Alai molo adong diboan tuson pasien na ikkon ditransfusi darah, lok ma hami na mangurus i.” Ditanda do kepala ahli bedah i halak na maol diajak makkatai. Alai dung martukkar pikkiran i hami, gabe denggan ma hubungannami jala sai diargai ibana do haporseaokku.
Diuji do Pandangannami taringot Mudar
Tikki di Chiba au, lagi dibangun do kantor cabang ni Saksi Jahowa di Jepang, i ma di Ebina. Jadi lao ma hami tusi sahali saminggu marmobil lao merawat akka relawan na pajongjokkon kantor cabang i, na digoari Betel. Dung piga-piga bulan, diundang ma au melayani sepenuh waktu di Betel Ebina. Alani i mulai bulan Maret 1981, tinggal ma hami di sada bangunan sementara na dipakke lao gabe tempat tinggal ni 500 relawan. Molo tikki pagi, paiasson kamar mandi dohot toilet di bangunan i do au. Alai molo tikki siang, baru ma au mambahen pemeriksaan medis tu akka dongan disi.
Sada pasienku i ma si Ilma Iszlaub. Sahalak misionaris do ibana sian Australia na ro tu Jepang di taon 1949. Marsahit leukemia do ibana jala didok dokter holan lima bulan nai nama ibana mangolu. Alai dang olo si Ilma manjalo tranfusi darah asa lam ganjang umurna. Jala diputusson ibana do tinggal di Bibel sappe mate ibana. Di tikki i, dang adong dope akka ubat na boi mambahen asa lam godang sel darah merah songon eritropoietin. Jadi sipata olo do turun hian hemoglobinna sappe 3 manang 4 gram! (Normalna 12 sappe 15 gram.) Alai berusaha do au nasa tolaphu mangurupi ibana. Torus do togu haporseaon ni si Ilma sahat tu na mate ibana di bulan Januari 1988, hira-hira pitu taon dukkon i!
Sian taon tu taon, adong do piga-piga relawan ni kantor cabang di Jepang na ikkon dioperasi. Mandok mauliate do au tu akka dokter di rumah sakit i, ala olo nasida mengoperasi akka donganta i dang mamakke transfusi darah. Sering do au diundang tu ruang operasi lao mangida prosedurna. Jala sipata dohot do au mangulahon operasi i. Mandok mauliate do au tu akka dokter i, ala diargai nasida do pandangan dohot keputusan ni Saksi Jahowa taringot mudar. Ala sering au bekerja sama dohot nasida, gabe adong ma kesempatanku lao paboahon haporseaokku. Sada sian akka dokter i baru-baru on gabe Saksi Jahowa.
Na menarik, ala olo akka dokter i dang mangalehon transfusi darah tu akka Saksi Jahowa na dioperasi, gabe boi ma i mambahen sada kemajuan di ilmu kedokteran. Piga-piga penelitian patuduhon godang do manfaatna molo dang dilehon transfusi darah tu pasien na dioperasi. Gabe ukkatop do pasien i malum, jala lebih otik ma masalah na terjadi dung operasi.
Torus Marsiajar sian Dokter na Unjago
Torus do huparrohahon perkembangan di ilmu kedokteran. Alai torus do au marsiajar sian Dokter na Unjago, i ma Jahowa. Dang holan sahitta i na diida Ibana. Alai diida Ibana do tong songon dia perasaanta. (1 Samuel 16:7) Jadi berusaha do au maniru Jahowa. Dang holan sahit ni pasienku na huida. Alai huargai do tong songon dia perasaan ni nasida. Alani i gabe boi ma hubahen perawatan medis na undenggan tu pasienku.
Sahat tu saonari di Betel dope au, jala huurupi akka halak marsiajar taringot Jahowa, termasuk mamboto pandanganna taringot mudar. On ma silas ni rohakku na umbalga. Sai martangiang do au tu Dokter na Unjago, i ma Jahowa asa hatop dibahen Ibana dang adong be sahit dohot hamatean.—Songon na diceritahon si Yasushi Aizawa.
[Surat na di Toru]
^ par. 4 Menurut bukku panduan Modern Blood Banking and Transfusion Practices na dibahen Dr. Denise M. Harmening, “boi do terjadi reaksi transfusi hemolitik na lambat” tu “sahalak pasien na sebelumna terlalu peka alani transfusi, hamil, manang transplantasi”. Di akka situasi na songon i, gabe diserang antibodi ni pasien i do “darah na ditransfusihon” tu dagingna. Jala menurut Dailey’s Notes on Blood, “boi do terjadi hemolisis molo dang cocok mudar na ditransfusihon i, nang pe otik. Jala molo nungnga sega ginjalna, boi ma gabe keracunan pasien i ala dang boi be ginjal mambolokkon kotoran na adong di mudar”.
^ par. 8 Di bulan Agustus 1988, didok Journal of Clinical Oncology, “Ulleleng do pulih pasien na manjalo transfusi darah tikki dioperasi sian apala pasien na marsahit kanker na so manjalo transfusi darah tikki dioperasi.”
^ par. 16 Asa dapotmuna unggodang ajaran ni Bibel taringot mudar, ida ma brosur Bagaimana Darah Dapat Menyelamatkan Kehidupan Anda? na dibahen Saksi Jahowa.
[Kutipan]
“Hupatorang do muse tu nasida, adong do sebenarna piga-piga alternatif asa unang manjalo transfusi darah. Jala pasti berusaha do au nasa tolaphu lao mangurupi pasienku”
[Kutipan]
“Godang do manfaatna molo dang dilehon transfusi darah tu pasien na dioperasi”
[Gambar]
Di ginjang: Pasahatton jamita
Di sabola kanan: Rap dohot istrikku, si Masuko