«Кажно трэбуй екжэно тэ терэл пэстири дила»
«Кажно трэбуй екжэно тэ терэл пэстири дила»
«Кажно андар мэндэ важ пэстэ дэла дума англа Дэл» (РИМЛЯНАМ 14:12).
1.Со полэнас кадэла трин евреёря, кала прилэнас ришэния?
И ТРИН тэрнорэ евреёря, савэ жувэнас андо Вавилоно, трэбуй сас тэ прилэн важно ришэния. Тэлёна вонэ ла баря статуяти па законо, саво исин андэ кодэя страна, или отԥэндёна и авэна шутэ андэ росԥабарди печка? Кай о Шадрахо, Мишахо и Аведнего нинай время варикастар тэ пушэн совето, да и када на трэбуй тэ терэн. Вонэ на загиндонаспэ и ԥэнэнас: «Ӷан, царё, кай амэ на ласа тэ служысарас тирэ дэвлэнди и тэ тэлювас ла сомнаконя статуяти, сави ту стодян» (Даниил 3:1—18). Вонэ полэнас, кай вонэ екжэнэ трэбуй тэ прилэн кадэя ришэния.
2. Ко, можно тэ ԥэнэс, приля и ришэния андэ лэ Иисусостири дила, и зля када и атвецтвеность па Пилато?
2 Варикай через 600 лет прожал ек сындо. О правителё виашунэн вся, андэр со дошалярэн лэ манушэс, и драго розуӷанэн и дила. Во полэл, кай о мануш, савэс дошалярэн, ни андэр со най дошало. Но и толпа мангэл, кай кадэлэ манушэс тэ казнин. Спэрва о правителё на камэл када тэ терэл, но потом всаек приашундёл каринг о миро. Через кода, кай во на камэл тэ лэл пэр пэстэ кацави атвецтвеность, во халавэл и вас и ԥэнэн: «Мэ найдошало андэ кадэлэ манушэстири смэрть». И посли када во ԥэнэн тэ казнин кадэлэ манушэс. Вместо кода, кай тэ сындой во, о Понтиё Пилато домэкэл, кай вместо лэстэ када тэ стерэн авэр мануша. Нисаво паи на поможыя лэсти тэ вихалавэл пар пэстэ и дош, кай виандярдя нэсправедливо приӷоворо (Матфеё 27:11— 26; Луки 23:13 — 25).
3. Васо авэр на трэбуй тэ прилэн ришэнии важ амэндэ?
3 Ай амэ? Андярас амэ пэс кадя, сар и трин тэрнэ евреёря, или домэкас, кай варико тэ прилэл ришэния важ амэндэ? Тэ прилас ришэнии найвушэро. Кай о мануш тэ прилэл правильно ришэния, во трэбуй тэ авэл фартэ опытно. Например, важ и цынёне бэяцэ прилэн ришэнии и родителя. Фартэ сложно тэ прилэс ришэнии андэ ԥарэ ситуацыи, кала трэбуй тэ шос сама пэ бут маменторя. Но тэ прилас и ришэнии — када най кацави дэ бари атвецтвеность, кай тэ гиндосарас, кай када «ԥаримос», саво важ амэндэ трэбуй тэ андярэн авэр опытни христианоря (Галатам 6:1, 2). Када обязаность, важ сави «кажно андар мэндэ важ пэстэ дэла дума англа Дэл» (Римлянам 14:12). Андэ Библия пистромэ: «Кажно трэбуй екжэно тэ терэл пэстири дила» (Галатам 6:5). Сар тэ сытювас тэ прилас мудри ришэнии? Спэрва давайте подаса дума пала кода, со амэ, сар мануша, нэ можэм тэ терас.
Со трэбуй, кай тэ прилас ришэнии?
4. Сости амэ сытювас анда кода, кай о Адамо и Ева на канглэ?
4 И пэрви мануша прилинэ и ришэния, сави андя ԥаримос всаворэнди. Вонэ халэ о плодо па витка, сави сыкавэлас, со лашымос, ай со найлашымос (Бытие 2:16, 17). Васо вонэ када стердэ? Андэ Библия ԥэнэнпэ: «И жувли шутя сама, кай пэ витка лашэ плодоря, кай кадэя витка шукарни и кай пэр латэ приятно тэ диқэс. Вой ля о плодо и ля тэ хал. Ай потом дя пэстирэ хуласти, кала во сас паша латэ, и во тожэ халя» (Бытие 3:6). Пэ ла Еватири ришэния повлияло кода, кай вой гиндояс кати пала пэстэ. О Адамо стердя кадя жэ, сар лэстири хулаи. И кадя о бэзэх и смэрть «пэрэжыля пэ всаворэ мануша» (Римлянам 5:12). Кода, кай о Адамо и Ева на канглэ, сытярэл амэн тэ полас акэ со: би лэ Дэвлэско амэ нэ можэм тэ прилас правильни ришэнии.
5. Саво руковоцтво амэнди дя о Иегова и со амэ трэбуй тэ терас, кай во тэ анэн амэнди лашымос?
5 Амэ фартэ ради, кай о Иегова дэл амэнди руковоцтво! Андэ Библия пистромэ: «Кала тумэ отжана андэ право риг и кала отжана андэ лево риг, тумэ палал лэна тэ ашунэн ӷолосо: „Акэ дром, жан пар лэстэ“» (Исайя 30:21). О Иегова дэл амэнди указании через пэско Алав, и Библия. Важ када амэ трэбуй тэ изучаем и Библия и точно тэ ӷанас о чачимос. Кай тэ прилас правильни ришэнии, амэ трэбуй тэ хас «о састо хамос [саво] трэбуй важ и мануша, савэ драго полэн лэ Дэвлэс». Кадяжэ, амэ сытювас тэ полас, «со лашо, ай со най», кала терас кадя, сар уӷанас (Евреям 5:14). Амэ сытювас кадэлэсти, кала терас кадя, сар пистромэ андэ лэ Дэвлэско Алав.
6. Со трэбуй, кай и совесть тэ терэл правильно?
6 Кала прилас ришэнии, фартэ важно тэ приашундювас каринг пэстири совесть. Вой поможый амэнди тэ полас, со амэ терас, и «дошалярэл... или зашолпэ» пала амэндэ (Римлянам 2:14, 15). Кай амари совесть правильно тэ терэл и тэ поможый тэ полас, со правильно, ай со най, ла трэбуй тэ сытярас, кала май драго уӷанас, со пистромэ андэ лэ Дэвлэско Алав, и прилас када андэ жызня. Если када на авэла, тоди вой сытёла па катутнэ абычаёря, традицыи и па лэ манушэндири мнения. Со авэла, если амэ на ласа тэ приашундювас каринг амари совесть и на ласа тэ ритярас лэ Дэвлэско законо? Через и время амари совесть ашэла, сар «виԥабардо клеймо», — на лэла нисо чуствовать и на полэла, со правильно, ай со най, сар шрамо пэ тила (1 Тимофею 4:2). Ай и совесть, сави сытярди па лэ Дэвлэско Алав, — када лашо советчико.
7. Со трэбуй, кай тэ прилас мудри ришэнии?
7 Вижал, кай тэ прилас мудри ришэнии, трэбуй точно тэ ӷанас о чачимос анда Библия и тэ ӷанас тэ прилас када андэ пэстири жызня. Кала трэбуй варисо тэ витидэс, на трэбуй тэ грабис. Трэбуй тэ витидэс время пэ кода, кай тэ виарақэс нужни библейски принцыпоря и годяса лэн тэ прилэс. Дажэ если трэбуй срочно тэ прилас ришэния — сар када сас кай о Шадрахо, Мешахо и Аведнего, — амэ аваса каринг када ӷотови, важ кода кай амэ ужэ точно ӷанас, со пистромэ андэ лэ Дэвлэско Алав, и правильно сытярдям пэстири совесть. Кай тэ полас, сар о христианско опыто поможый тэ прилас правильни ришэнии, роздиқаса дуй маменторя андэ амари жызня.
Ко амарэ друӷоря?
8, 9. а) Савэ принцыпоря сыкавэн, кай амэндэ на трэбуй тэ авэл найлащи общения? б) Ԥэнэнпэ андэ Библия, кай найдраго имено пашэ тэ общяемся кодэлэнца, ко терэл билажавардимос? Росԥэн.
8 О апостало Павло ԥэндя: «На хохавэн корко пэс. И найлащи общения римой о лашымос, савэсти сытелэ» (1 Коринфянам 15:33). О Иисус Христос ԥэндя пэстирэ учениконэнди: «Тумэ най сар всаворэ миро» (Иоанна 15:19). Кала амэ уӷанглям кадэла принцыпоря, амэ полям, кай на трэбуй пашэ тэ общяемся кодэлэнца, ко терэл билажавардимос, ко чорэл, фартэ бут пэл и терэл авэр найлащи дила (1 Коринфянам 6:9, 10). Потом, кала амэ май бут уӷанас о чачимос анда Библия, амэ лас тэ полас, кай тэ проандярас и время кацавэ манушэнца через о кино, телевизоро, интэрнэто и книжки тожэ фартэ опасно. Када жэ можно тэ ԥэнас и пала общения андо интэрнэто кодэлэнца, ко гаравэл, саво во исин (Псалом 26:4).
9 Исин бут мануша, савэ жувэн па нравствени нормы, но на патян андо чачуно Дэл. Трэбуй амэ тэ дружысарас лэнца? Андэ Библия ԥэнэнпэ: «Вся и люма — андэ лэ Бэнгэстирэ вас» (1 Иоано 5:19). Амэ полям, кай и найлащи общения — када най кати кодэла, ко терэн билажавардимос или жан против принцыпоря. Важ када авелоп годявэрнэс тэ дружысарас кати кодэлэнца, ко любий лэ Иеговас.
10. Со поможый амэнди тэ прилас правильни ришэнии, кала и дума жал пала общения лэ манушэнца анда кадэя люма?
10 Амэ нэ можэм вобще тэ парашас тэ общяемся лэ манушэнца анда кадэя люма, но када и на трэбуй (Иоанна 17:15). Кацавэ мануша везде: андэ служэния, андэ школа, пэ бути. О ԥрал или и ԥэй, савэ жувэн найверущёнэ манушэса, май часто общяюца лэ манушэнца анда люма, чем авэр христианоря. Но о мануш, савэстэ лащи дружба лэ Иеговаса, полэл, кай тэ общяешся варикаса анда люма, важ кода кай када трэбуй, — када ек, ай тэ дружыс варикаса — совсем авэр (Иаково 4:4). Если амэ када полас, тоди амэндэ вижала тэ прилас мудри ришэнии андэ кацавэ маменторя, сар: тэ жав пэ варисави мероприятия андэ школа, например, пэ соревновании или танцоря? Тэ жав пэ вечеринка или банкето, саво стердэ важ и мануша па мэрни бути?
Сави бути тэ терас?
11. Пэр со спэрва трэбуй тэ шас сама, кала витидас, сави бути тэ терас?
11 Если амэ ӷанас тэ прилас и библейски принцыпоря, када поможыя амэнди тэ прилас правильни ришэнии важ о ери (1 Тимофею 5:8). Спэрва трэбуй тэ полас, сави бути амэ ласа тэ терас. Канешно, амэ на витидаса тэ терас кодэя бути, сави па Библия найлащи. И чачунэ христианоря на лэна тэ терэн пэ бути, андэ сави ужал идалопоклонство, андэ сави чорэн, нэправильно используют о рат и терэн авэр дила, сави на сжалпэ ла Библияса. Кадяжэ, амэ на ласа тэ дилярас или тэ хохавас, дажэ если када камэл о начальнико (Дила 15:29; Откровение 21:8).
12, 13. Пэр со инке трэбуй тэ шас сама, кала витидас бути?
12 Ай со, если и бути на жал против лэ Дэвлэско законо? Со май пашэ амэ каринг о Дэл, со май драго полас, кай трэбуй тэ шас сама и пэ авэр маменторя. Со, если кадэя бути най ворта связано кодэлэса, со на сжалпэ ла Библияса, например, трэбуй тэ атвечаеш пэ звонкоря андо казино? Кадяжэ важ амэндэ важно, ко амэнди потинэн и кай находийпэ и бути. Например, лэла о христианино, саво терэл пэр пэстэ, тэ красый варисо андэ қандири, если кадя во подритярэла и хохавни вера? (2 Коринфянам 6:14—16).
13 Со, если авэла кацави ситуацыя, кала о начальнико па бути стерэла доӷоворо, кай тэ терэн ремонто андэ здания, кай тэлён хохавнэ дэвлэнди? Тоди амэнди пэ дэсо трэбуй авэла тэ шас сама: сави дила амэ тераса и скати? Ай со можно тэ ԥэнас пала обычно бути, сави на жал против Библия? Например, о почтальёно розындярэл и письморя всаворэнди, кадяжэ и кордэ, кай и мануша терэн найлащи дила. Хэба на поджал катэ о принцыпо анда Матфеё 5:45? Трэбуй тэ шас сама и пэ кода, сар кадэя бути авэла тэ влияет пэ амари совесть, если амэ тераса ла вся и время (Евреям 13:18). Чаче, кай годяса тэ витидас бути, амэ трэбуй тэ стас зор, кай тэ полас, со лашо, ай со най, и тэ сытярас и совесть, сави амэнди дя о Дэл.
«Кала ту терэс любо дила, сэр пала лэстэ»
14. Со трэбуй тэ стерас, кала прилас ришэния?
14 Ай со можно тэ ԥэнас пала авэр маменторя андэ жызня, например, кала витидас образования или сар тэ личисавас? Кай тэ прилас правильно ришэния, амэ трэбуй тэ полас, савэ катэ поджан библейски принцыпоря, тэ погиндосарас пала лэндэ и тэ прилас. О мудро царё Соломоно ԥэндя: «Патя лэ Иеговасти всаворэ тирэ одеса и на надеисав кати пэ кода, сар ту полэс. Кала ту терэс любо дила, сэр пала лэстэ, и во сыкавэла тути правильно дром» (Притчи 3:5, 6).
15. Сости амэ сытювас кай и христианоря анда пэрво вико андэ кода, сар тэ прилас ришэнии?
15 Амарэ ришэнии часто влияют пэ авэр, и пала када трэбуй тэ гиндосарас. Например, и христианоря андо пэрво вико ужэ на трэбуй сас тэ жувэн па лэ Маисеёско законо. О хамос, саво па Законо сас найвужо, но саво можно сас тэ хан, вонэ ханас. О Павло ӷанэнас, кай дэсаво мас моӷ тэ авэл анда языческо храмо, и важ када ԥэндя: «Если через о хамос мэрно ԥрал можэт тэ ашавэл лэ Дэвлэс, никала на лава тэ хав о мас, кай тэ на ашав важ о ԥрал бар, через саво во пэрэла» (1 Коринфянам 8:11—13). О Павло побудияс лэ христианонэн тэ шон сама пэ аврэндири совесть. Амарэ ришэнии тожэ на трэбуй тэ ашэн сар бар, через саво пэрэна авэр мануша (1 Коринфянам 10:29, 32).
Родэ лэ Дэвлэстири мудрость
16. Сар и молитва поможый тэ прилас ришэнии?
16 Кай тэ прилэс ришэнии, фартэ поможый и молитва. Лэ Иисусоско ученико о Иаково ԥэнэн: «Если варикасти трэбуй тэ ашэл май годявэр, мэк мангэл када лэ Дэвлэстар, саво дэл всаворэнди анда ди и никас пала када на лажаварэл, и кацаво мануш получия» (Иаково 1:5). Амэ можэм тэ взвисавас каринг о Иегова андэ молитва и тэ мангас лэстар мудрость, кай тэ прилас правильно ришэния. Кала амэ росԥэнас лэ чачунэ Дэвлэсти кода, пала со пэрэжываем, и родас лэско руковоцтво, о свынто духо поможый амэнди май драго тэ полас о библейско стихо и напоминает кодэла стихоря, пэ савэ амэ на шутям сама.
17. Сар авэр моӷут тэ поможын амэнди тэ прилас ришэнии?
17 Моӷут авэр тэ поможын тэ прилас правильни ришэнии? Да, о Иегова важ када дя лэ христианонэн, савэндэ исин баро опыто (Эфесянам 4:11, 12). Лэндар можно тэ мангас совето, особено если и дума жал пала важно вопросо. Опытни христианоря моӷут тэ сыкавэн и авэр библейски принцыпоря, савэ поджан каринг амаро вопросо, и тэ поможын амэнди тэ полас, «со па чачимастэ важно» (Филиппийцам 1:9, 10). Но важно тэ сэрас, кай авэр на трэбуй тэ прилэн ришэнии важ амэндэ. Када трэбуй тэ терас амэ екжэнэ.
Всегда о результато авэла лашо?
18. Со можно тэ ԥэнас пала результаторя через и правильни ришэнии?
18 Всегда амарэ ришэнии, савэ амэ прилям па библейски принцыпоря и па правильно сытярди совесть анэна каринг и лашэ результаторя? Сар прожала и время, да. Но спэрва через амарэ ришэнии моӷут тэ авэн трудности. О Шадрахо, Мишахо и Аведнего ӷанэнас, кай если вонэ отԥэндёна тэ тэлён ла статуяти, тоди вонэ моӷут тэ мэрэн (Даниил 3:16—19). Андэ кацави ситуацыя сас апосталоря, савэ ԥэндэ андо Ӷлавно иудейско сындо, кай трэбуй тэ кандэн лэ Дэвлэс, ай най лэ манушэн. Лэ апосталонэн одмэклэ, но англа када мардэ (Дила 5:27—29, 40). Кадяжэ, трудности через амарэ ришэнии моӷут тэ авэн через и «время и случаё» (Экклезиаст 9:11). Если амэндэ через и правильно ришэния можэт тэ авэл ԥаримос, амэ уверени, кай о Иегова поможыя вся тэ пэрэандярас и англэ фартэ амэн блаӷословия (2 Коринфянам 4:7).
19. Васо амэ можэм тэ на дарас тэ прилас ришэнии?
19 Кала амэ прилас ришэнии, амэ трэбуй тэ родас библейски принцыпоря, тэ розмышляем пала лэндэ и тэ прилас лэн. Сар жэ амэ блаӷодарни лэ Иеговасти, кай во поможый амэнди через пэско свынто духо и через и опытни христианоря! Кала амэ ӷанас, кай амэндэ исин кацави подержка и руководство, амэ можэм тэ на дарас тэ прилас ришэнии.
Со ту уӷанглян?
• Со амэнди фартэ трэбуй, кай тэ прилас правильни ришэнии?
• Сар амаро христианско опыто влияет пэ кода, каса амэ дружысарас?
• Пала со трэбуй тэ погиндосарас, кала витидас, сави тэ терас бути?
• Со амэнди поможый тэ прилас ришэнии?
[Вопросоря важ и изучения]
[Картинка]
Кода, кай о Адамо и Ева на канглэ, поможый амэнди тэ фэрисавас
[Картинка]
Англа кода, сар тэ прилэс важно ришэния, виарак и роздик и библейски принцыпоря