ƆWƐN-ABAN—NEA ADESUA NSƐM WOM August 2013
Nsɛmma nhoma yi ma yehu nea yɛyɛ a, ɛbɛma yɛn ho atew na Onyankopɔn de yɛn ayɛ adwuma wɔ ne som mu. Afei nso ɛma yehu sɛ ɛnsɛ sɛ yɛprɛ yɛn haw to Onyankopɔn so. Bio, ɛma yehu sɛnea yɛbɛko atia abasamtu.
Yehowa Atew Yɛn Ho
Hwɛ nneɛma anan a ɛbɛma yɛayɛ kronkron na Nyankopɔn de yɛn adi dwuma wɔ ne som mu.
Nsɛmmisa a Efi Akenkanfo Hɔ
Ɛfata sɛ awofo ne wɔn ba a wɔatu no tena faako wɔ asafo nhyiam ase?
ASETENAM NSƐM
Yehowa ‘Soa M’adesoa Ma Me Da Biara’
Yare nyinaa akyi no, dɛn na ɛboaa onuawa bi a ofi Namibia ma ɔde anigye asom sɛ kwampaefo bɛboro mfe 20?
Mma Wo ‘Koma Nhuru Nhyɛ Yehowa’ Da
Ebinom nwiinwii tia Nyankopɔn wɔ wɔn komam. Wɔde wɔn haw hyɛ no. Yɛbɛyɛ dɛn akwati biribi a ɛte saa?
Awofo
Bere bɛn na ɛsɛ sɛ wufi ase tete abofra? Dɛn na ɛsɛ sɛ wokyerɛkyerɛ wo ba?
Momma Yensusuw Yɛn Ho na Yɛnhyehyɛ Yɛn Ho Nkuran
Sɛ yɛso yɛn haw mpo a, yɛbɛyɛ dɛn aboa afoforo ma wɔakɔ so asom Nyankopɔn nokwarem?
Hu Onipa Ko a Ɛsɛ Sɛ Woyɛ
Satan mpɛ sɛ yɛyɛ nea ɛbɛma Nyankopɔn agye yɛn atom. Dɛn na yɛbɛyɛ na yɛne Yehowa ntam ansɛe?
Elisa Huu Ogya Teaseɛnam
Elisa nyaa Yehowa mu gyidi na ɔde ne ho too no so korakora. Dɛn na yebetumi asua afi nea ɔyɛe no mu?
