ግምቢ ዘብዐኛ—ሕታም መጽናዕቲ መስከረም 2013

እዛ ሕታም እዚኣ፡ ብኸመይ ጥበባዊ ውሳነታት ከም እንገብር፡ ነቲ ምስ የሆዋ ኣምላኽ ዘሎና ርክብ ብኸመይ ከም እነደልድሎ፡ ከምኡውን ካብ መዘኻኻሪታት የሆዋ ብኸመይ ከም እንጥቀም ትገልጽ።

ንጽጽር ይሓግዝካ

የሱስ ብተደጋጋሚ ንጽጽር ይጥቀም ነበረ። ንስኻውን ብንጽጽር ተጠቒምካ ንሰባት ናይ መጽሓፍ ቅዱስ ሓቂ ንኺመሃሩ ብኸመይ ክትሕግዞም ከም እትኽእል ርአ።

የሆዋ ንህዝቡ ንምምራሕ ወትሩ መዘኻኸሪታት ኪጥቀም ጸኒሑ እዩ። ሎሚ ብመዘኻኸሪታት ኣምላኽ ክንእመን እንኽእል ስለምንታይ ኢና፧

ንመዘኻኸሪታት ኣምላኽ ተሓጒስና ንሕልዎ ዲና፧ ወይስ ሓድሓደ ግዜ ኸም ጾር ጌርና ኢና እንርእዮ፧ ነታ ኣብ መዘኻኸሪታቱ ዘላትና እምንቶ ኸነደልድላ እንኽእል ብኸመይ ኢና፧

ኵሎም ክርስትያናት ‘ኪልወጡ’ ዘለዎም ስለምንታይ እዮም፧ እዚ ለውጢ እዚ እንታይ እዩ ዜጠቓልል፧ ክንዕወት እንኽእልከ ብኸመይ ኢና፧

ውሳነታትና ምስ ፍቓድ ኣምላኽ ዚሳነ እንተ ዀይኑ ኸነረጋግጽ እንኽእል ብኸመይ ኢና፧ ነቲ ዝገበርናዮ ውሳነ ንምትግባር እንታይ ኪሕግዘና ይኽእል፧

ዕዮ ፈላምነት ነቲ ምስ የሆዋ ዘሎካ ርክብ ዜደልድለሉ ሸሞንተ መገድታት ርአ። ኣብዚ ዓስቢ ዘለዎ መዳይ ኣገልግሎት እዚ ንኽትቅጽል እንታይ ኪሕግዘካ ይኽእል፧

ከምቲ ኣብ ዮሃንስ 11:35 ተገሊጹ ዘሎ፡ የሱስ ንኣልኣዛር ካብ ሞት ቅድሚ ምትንሳኡ ዝነብዐ ስለምንታይ እዩ፧