KYAMBA KYA USOPA Kapyantoto 2015 | Nanchi bya Sayansi Byanema Kukila Baibolo Nyi?
Nanchi byaswañana nyi, inyi kuji mo byapusena?
MUTWE WA PA NKUPIKO
Bya Sayansi byo Byakwasha Bantu
Ñanyi “bishinka bya sayansi byo babena kweseka kwingijisha pa kumwesha’mba Lesa ufwako”?
MUTWE WA PA NKUPIKO
Bintu Byakankalwa Kuyuka Bafunda bya Sayansi
Bishinka bya sayansi byalengejile shayuka aye Carl Sagan kunemba’mba: “Nangwatu muntu ajimuke byepi, wakonsha kwamba bya bubela.”
Bya Kwikala Balusekelo mu Bukote
Baibolo waamba pa bintu bitanu na kimo byakonsha kwimukwasha kwikala balusekelo mu bukote ne kuswa kuba’mba pano mwakoma.
JISHIMIKILA JA BWIKALO
Kya Buswanyi Kyatwajijila ku Bisemi Bitanu na Bibiji
Ba Kevin Williams bashimikizha jishimikila jawama bingi pa mukoyo wa kisemi kyabo wa kwingijila Yehoba Lesa wa kine.
Nanchi Ulengulula Kilishitu ye Ñanyi?
Nanchi ukeya mu kimye kya kulutwe nyi, inyi wajingakotu ne kala?
Mepuzho a mu Baibolo Akumbulwa
Mwakonsha kukomesha byepi baana benu bulongo?
