TAWALA YA MULIBELELI No. 5 2016 | Mukona Kufumana Kai Kuomba-Ombiwa?
Kaufelaa luna lutokwa kuomba-ombiwa, sihulu mwa linako za butata. Magazini ye inyakisisa mo Mulimu aomba-ombela batu babatalimana ni matata ni miinelo yemiñwi.
TOHO YA TABA
Kaufelaa Luna Lutokwa Kuomba-Ombiwa
Mukona kufumana kai kuomba-ombiwa haiba mushwelwa ki mutu yemulata kamba haiba mukula hahulu, kamba haiba muba ni butata bobutuna mwa linyalo lamina, kamba haiba muzwisiwa musebezi?
TOHO YA TABA
Molukona Kuomba-Ombelwa Mwa Linako za Butata
Batu babañwi mobafumanezi tuso ka nako yene batokwa hahulu kutusiwa.
MULIKANYISE TUMELO YABONA
“Ndwa ki ya Muñaa Bupilo”
Ki sika mañi sene situsize Davida kuli atule Goliati? Lukona kuitutañi kwa likande la Davida?
Likande la Davida ni Goliati—Kana Neliezahalile Luli?
Batu babañwi bakakanya buniti bwa likande le. Kana baeza cwalo ka libaka leliutwahala?
BIBELE YACINCANGA BUPILO BWA BATU
Neninani Buhali ni Mifilifili
Ki sika mañi sene sitahisize kuli mulwani wa mwa linzila wa kwa Mexico abate kucinca mupilelo wahae?
Mubuso wa Mulimu ki nto mañi?
Batu banani mihupulo yeshutana-shutana ka za Mubuso wa Mulimu. Kacwalo, Mañolo alutañi luli ka za Mubuso wo? Mwendi mukakomokiswa ki kalabo kwa puzo yeo.