ƐZINZALƐ ARANE—DEBIEZUKOALƐ ƐDEƐ November 2016
Edwɛkɛ mɔɔ yɛbazukoa wɔ December26, 2016 kɔdwu January29, 2017 la a wɔ magazine ɛhye anu a.
Edwɛkɛkpɔkɛ Mɔɔ Boale Kpalɛ!
Edwɛkɛkpɔkɛ boni a Gyisɛse vale lile gyima mɔɔ ɛnee bɛbu ye kɛ enililɛ wɔ nu a?
‘Bɛmaa Bɛ Nwo Anwosesebɛ Alehyenlɛ Biala’
Duzu ati a anwosesebɛmaanlɛ nwo hyia a? Duzu a yɛsukoa yɛfi kɛzi Gyihova, Gyisɛse nee Pɔɔlo maanle awie mɔ anwosesebɛ la anu a? Na kɛ ɔkɛyɛ na yɛahola yɛamaa anwosesebɛ ɛ?
Ahyehyɛdeɛ Mɔɔ Nyamenle Buluku Ne Die To Nu
Awie biala nee Gyihova ɛnzɛ wɔ ninyɛne ɛhyehyɛlɛ nu. Asoo ɔnle kɛ yɛmaa yɛ nye da kɛ bɛbayɛ ngyehyɛleɛ bɛamaa ye azonvolɛ noko ɔ?
Asoo Ɛbu Gyihova Buluku Ne Kpalɛ?
Saa Nyamenle azonvolɛ fa folɛdulɛ mɔɔ wɔ ye Edwɛkɛ ne anu la di gyima na bɛfa nɔhalɛlilɛ bɛboa ye ahyehyɛdeɛ a ɔmaa bɛnyia anyuhɔlɛ dɔɔnwo.
‘Gyima Ne Le Kpole’
Ɛbahola wɔaboa.
Bɛvɛlɛle Bɛ Bɛvile Awozinli Nu
Adenle boni azo a Nyamenle menli hɔle awozinli nu wɔ ɛvoya mɔɔ tɔ zo nwiɔ Y.M. anu a? Adenle boni azo yɛɛ mekɛ boni a bɛbɔle ɔ bo kɛ bɛnwu wienyi ne a?
Bɛvile Adalɛ Ɛzonlenlɛ Nu
Mekɛ boni a Nyamenle menli vile Babelɔn nlɔnu nu bɔkɔɔ a?
“Britain Belemgbunlililɛ Nolobɔlɛma—Bɛdwazo!!”
Wɔ ɛvolɛ bulu anu bɛanyia anyuhɔlɛ kpalɛ biala wɔ Belemgbunlililɛ nolobɔlɛma ne anu wɔ Britain! Duzu a akee maanle ninyɛne hakyile a?
