ITA NE THUP Na. 2 2017 | Hane Ju Kapa La Ahnahna i Akötresie!
NEMENE LA MEKUNA I EPUN?
Nemene la ahnahna ka tru hna hamëne koi së hnei Akötresie?
Tusi Hmitrötr a qaja ka hape: “Hnei Akötesieti hna hnime la fene hnengödrai, mate nyidëti a hamëne la Nekö i nyidëti ka cas.”—Ioane 3:16.
Kola amamane hnene la Ita Ne Thup celë la kepine la Akötresieti a upi Iesu kowe la fen matre troa meci pi së, memine la aqane tro sa amamane la hni ne ole së kowe la ahnahna cili.
KA QA NGÖNE ICETRÖN
Pë Kö Ahnahna Ka Sisitria Hune Lai
Tusi Hmitrötr a qaja la ketre ahnahna ka tru thatraqane la itre ka kapa lai, matre hetrenyi angatr la mele ka tha ase palua kö. Ijije kö troa hetre ahnahna ka tru?
KA QA NGÖNE ICETRÖN
Ka Nyipiewekë La Ahnahna Qaathei Akötresie
Nemene la itre ka troa amamane ka hape, ka tru nyipiewekë la ketre ahnahna? Maine tro sa mekune la itre ewekë cili, tro ha tru la hni ne ole së kowe la thupene mel.
KA QA NGÖNE ICETRÖN
Aqane Troa Olene Koi Akötresie La Ahnahna Ka Sisitria
Nemene la hna a upi së hnene la ihnimi Keriso?
Hna Amekötine Kö Tro La Itre Keresiano a Tha Hane Faipoipo?
Ame la itre xa hmi ke, nyipiewekë koi angatr tro la itre hene ne hmi angatr a tha hane faipoipo. Ngo nemene la ini hna hamëne hnei Tusi Hmitrötr göne lai?
Aqane Kötrene La Ithahluë Ekö Me Enehila
Ame ekö, hnene la nöje i Akötresieti hna kötrene la ithahluë. Ngo ngazo pe, hetrenyi pala hi enehila la itre milio lao atr ka akötr, nge hna thahluën.
Hetre Eloine La Troa Ham
Ame la troa ham, tre, ka hetre eloine koi epuni me kowe la itre xan. Nge celë hi ka acatrene la ihnimi së memine la aqane imelekeu së me itre xan. Nemene la aqane tro epuni a ketre atr ka hetre hni ne ham?
Kola Sa Hnei Tusi Hmitrötr
Tusi Hmitrötr a qaja ka hape, ame ngöne “la ite drai hnapin” ke, “tro ha traqa la nöjei ijine ka aköt.” Hapeu, kolo kö a qejepengöne la hneijine së enehila?
