TE TAUA-N-TANTANI Na. 3 2017 | Taan Toka i Aoia Aoti Aika Aman ao Rotakim ni Mwanangaia
TERA AM IANGO?
Mwanangaia taan toka i aoia aoti aika aman aikai bon te rongorongo ae rangi n ataaki ae kanoan te boki ae Te Kaotioti. Tabeman a maaku iai, ao tabeman e rangi n anaaki nanoia iai. Nora ana taeka te Baibara ni kaineti ma taetae ni burabeti aikai:
“A a kukurei akana wareware ni kabaibati n te taetae ni burabeti aei ao akana ongora taekana.”—Te Kaotioti 1:3.
E maroroakinaki n Te Taua-n-Tantani aei bwa e kangaa n riki bwa te rongorongo ae raoiroi ibukira mwanangaia taan toka i aoia aoti aika aman aikai.
ATUN TE MAEKATIN
Taan Toka i Aoia Aoti Aika Aman ao Ngkoe
Aoti aika aman—temanna ae mainaina, temanna ae uraura, temanna ae roroo, ao temanna ae maii. Mwanangaia ae uota te bitaki ae korakora aei bon te rongorongo ae rangi n ataaki ae kanoan te boki ae Te Kaotioti.
ATUN TE MAEKATIN
Taan Toka i Aoia Aoti Aika Aman—Antai Ngaiia?
Nora aroni kabwaraan nanon te miitara aei.
Te Bwai ni Kakoaua Riki Teuana
Ko bae n aki ataia bwa antai te aomata ae Tatenai, ma bwain rimoa ake a kuneaki irouia taan rabakau ake e mwaneweaki iai taekan teuaei, a boutokaa te koaua ae rangi ni kakawaki.
E BITII MAIUIA AOMATA TE BAIBARA
I Tangira te Beitiboo ao Akea Riki!
E tautoronaki Samuel Hamilton n tangiran ana takaakaro, ma e bita maiuna te reirei n te Baibara.
KATOTONGA AIA ONIMAKI
“Te Aine Ngkoe ae Ko Baaraoi”
E a noraki i Aikubita rianakon baaraoin Tara irouia ana toro Barao. Ko na bae ni kubanako te baere e riki imwina.
Tera ae Taekinaki n te Baibara?
E koaua ae te Atua e tangira riki te koraki n aomata teuana nakon are teuana? E koaua bwa a kakabwaiaaki tabeman ao ake tabemwaang a karekeaki kaia?
