တၢးထီခိးတၢ်—လံာ်လၢတၢ်မၤလိအဂီၢ် လါအီကူး ၂၀၁၇
တၢ်ဂ့ၢ်လၢ လံာ်အံၤအပူၤန့ၣ် ပၣ်ဃုာ်ဒီး တၢးထီခိးတၢ် လံာ်တၢ်မၤလိတဖၣ်လၢ လါစဲးပတ့ဘၢၣ် ၂၅ တုၤ လါအီးကထိဘၢၣ် ၂၂, ၂၀၁၇.
နအိၣ်ခိးတၢ်လၢ တၢ်သးစူၤအပူၤကကဲဧါ
ယဟိဝၤယွၤ အခ့အပှၤလၢပျၢၤလၢ အိၣ်ဒီးတၢ်သးတီတဖၣ် သံကွၢ်ဝဲလၢ ကဘၣ်တူၢ်တၢ်မၤတဖၣ် ကယံာ်ဒံးထဲလဲၣ်. အဝဲသ့ၣ်သံကွၢ်ဝဲ ဒ်အံၤဘၣ်ဆၣ် ကစၢ်ယွၤတစံၣ်ညီၣ် အဝဲသ့ၣ်ဘၣ်.
“ယွၤအတၢ်ဃူတၢ်ဖိးလၢ အဒိၣ်န့ၢ်ယိာ်န့ၢ် ကယဲၢ်ပသ့ၣ်ညါနၢ်ပၢၢ်တၢ်”
မ့ၢ်နဆိကမိၣ်ဘၣ်လၢ ဘၣ်မနုၤအဃိ ကစၢ်ယွၤပျဲဝဲလၢ နကထံၣ်ဘၣ် တၢ်ကီတၢ်ခဲတဖၣ်လဲၣ်န့ၣ်ဧါ. နမ့ၢ်ဆိကမိၣ်ဘၣ် ဒ်န့ၣ်န့ၣ် ဒ်သိးနလဲၤခီဖျိအီၤ ကန့ၢ်အဂီၢ် မ့ၢ်နနာ်လၢ ယဟိဝၤယွၤ ကမၤစၢၤနၤဧါ.
ဘ့ၣ်လီၤကွံာ် နီၢ်လီၢ်လံၤဒီး သိးထီၣ်အီၤလၢၤတဂ့ၤ
ပဘ့ၣ်လီၤကွံာ် ပနီၢ်လီၢ်လံၤဘၣ်ဆၣ် တညီဝဲထီဘိဘၣ်. ဒ်သိးပကဆဲးဘ့ၣ်လီၤကွံာ် ပနီၢ်လီၢ်လံၤ ဒီးပသုတက့ၤသိးထီၣ်အီၤလၢၤတဂ့ၤအဂီၢ် ပမၤအီၤကသ့ဒ်လဲၣ်
သိးထီၣ်နီၢ်သီ ဒီးဘ့ၣ်လီၤကွံာ်အီၤလၢၤတဂ့ၤ
ခီဖျိ ယဟိဝၤယွၤ အတၢ်မၤစၢၤအဃိ နကဲထီၣ်ပှၤလၢ နအဲၣ်ဒိးကဲထီၣ် သ့ဝဲလီၤ. အဒိ, ဆိကမိၣ်ကွၢ် ကျဲတနီၤလၢ နကပာ်ဖျါထီၣ် တၢ်သးကညီၤ, တၢ်ဝံသးစူၤ, တၢ်သူၣ်စူၤသးစူၤ, တၢ်ဆီၣ်လီၤပသးန့ၣ်တက့ၢ်.
တၢ်အဲၣ်တၢ်ကွံ မ့ၢ်တၢ်ဂ့ၤတၢ်ဝါလၢ အလုၢ်ဒိၣ်ပှ့ၤဒိၣ်
လံာ်စီဆှံ ပာ်ဖျါထီၣ်ဝဲလၢ တၢ်အဲၣ်တၢ်ကွံန့ၣ် ဟဲကဲထီၣ်အသး ခီဖျိလၢယဟိဝၤယွၤ အသးစီဆှံလီၤ. တၢ်အဲၣ်တၢ်ကွံ မ့ၢ်မနုၤလဲၣ်. ပမၤအါထီၣ်အီၤကသ့ဒ်လဲၣ်. ဒီးပပာ်ဖျါထီၣ်အီၤ ကိးနံၤဒဲးကသ့ဒ်လဲၣ်.
AMERICAS
“ပကထီၣ်ဘၣ် ကဝီၤတၢ်အိၣ်ဖှိၣ် လၢခံတဘျီဆံးယံာ်လဲၣ်”
ဖဲ ၁၉၃၂ တၢ်အိၣ်ဖှိၣ်ဖးဒိၣ်လၢ ကီၢ်မဲးကစံၣ်ကိၣ်စံထံၤန့ၣ် ဘၣ်မနုၤအဃိ မ့ၢ်တၢ်လၢအရ့ဒိၣ်ထဲန့ၣ်ညါလဲၣ်.
ပှၤဖးလံာ်ဖိတဖၣ် အတၢ်သံကွၢ်
မးသဲ အတၢ်ကွဲးလၢ ဘၣ်ဃးဒီးယ့ၣ်ၡူး အိၣ်ဖျဲၣ်ထီၣ်အဂ့ၢ် ဒီးဒိၣ်ထီၣ်အဂ့ၢ်န့ၣ် ဘၣ်မနုၤအဃိ လီၤဆီလိာ်အသး ဒီးလူၤကၣ်အတၢ်ကွဲးန့ၣ်လဲၣ်