SANJA JA MLONDA (JAKULIJIGANYILA) December 2017
M’magasiniji mwana ngani syakulijiganya kutandila cijuma ca January 29 to February 25, 2018.
“Ngumanyilila Kuti Cacijimuka”
Ana cici campaka citusimicisye kuti ŵandu cacijimuka ku ŵawe?
“Ngwete Cembeceyo mwa Mlungu”
Ligongo cici cijiganyo cakuti ŵawe cacijimuka cili cakusosekwa mnope kwa Aklistu?
Ana Akukumbucila?
Ana aŵalasile magasini ga Sanja ja Mlonda gapacangakaŵapa? Kwende tulole kuti cakombole kwanga yiwusyo yilingwa.
Yiwusyo Yakutyocela kwa Ŵakuŵalanga
Mundaŵi ja m’Baibulo, ana mundu kuti aŵe mumsela wakupagwila Mesiya ŵasosekwaga kuti aŵe jwandanda kupagwa?
Yiwusyo Yakutyocela kwa Ŵakuŵalanga
Ana Aklistu ŵalombane akusosekwa kukamulicisya masengo litala lyakulelela lya lupu (IUD)?
Acinangolo—Ŵakamucisyeje Ŵanace Ŵawo Kola ‘Lunda Lwakwakamucisya Kuti Cakulupuce”
Acinangolo ŵajinji akusalagasikaga nganisyo mwanace jwawo pakuganisya yakulipeleka soni kubatiswa. Ana acinangoloŵa mpaka ŵakamucisya uli ŵanace ŵawo kusya cikulupi kuti cakulupuce?
Ŵacinyamata—‘Mjendelecele Kulinganya Cikulupusyo Cenu’
Atamose kuti kubatiswa uli ukumu wekulungwa, nambo nganikuŵa cindu cakuti ŵacinyamata acijogopeje.
MBILI JANGU
Nalesile Yosope ni Kumkuya Klistu
Felix Fajardo jwasagwile kuŵa Mklistu ali ni yaka 16. Kutyocela pandaŵiji mpaka apano pamasile yaka yakupunda 70, nambo jwalakwe jwangaligamba ligongo lya kumkuya Yesu kulikose.
Kwakukusimanikwa Ngani M’magasini ga Sanja ja Mlonda ga 2017
Ndandanda ja ngani jeleji cijakamucisye kupata mwangasawusya ngani syasikusimanikwa m’magasini ga Sanja ja Mlonda ga 2017.
