¡EEJA WAAʼIN! Nuum. 1, 2018 | Wopu talataka atuma waaʼin
¿JALASÜ AKÜJÜNÜIN TÜ WAAʼINRAJATKAT SÜPÜLA TALATÜINJATÜIN WAAʼIN?
Müsü tü Wiwüliakat: «Talatüsü maʼin naaʼin na nnojoliikana kaainjalain suluʼu tü wopu kaluʼukat naya, na oonookana sümaa tü nuluwataakalü anain Jeʼwaa» (Salmo 119:1).
Sünain tü akaratshisükat ekirajaaya suluʼuka rewiisütakat tüü, aküjünüsü waneirua pütchi akaaliinjeenaka waya süpüla talatüinjatüin waaʼin.
¿Kasa waaʼinrajatka süpüla woʼunuin suluʼu tia wopukot?
¿Piache wanee wayuu talataka aaʼin waneepia? ¿Kasa talataka atuma naaʼin wanee wayuu?
Talatüinjatü waaʼin sümaa tü eekat wamaʼana otta asülajüliinjana waya
Naashin wainma wayuu, talateerü waaʼin otta aneerü wakuwaʼipa washirüle waya. ¿Shiache talateetka maʼin atuma waaʼin tia? ¿Jamüsü nakuwaʼipa na kachiiruakana aaʼin tü washirüükat?
Nnojolin ayuulin waya otta resiliencia
¿Jama ayuuire maʼin waya? ¿Nnojoleenache waya talatüin aaʼin?
Alinjatü wapüla wayuu
Talateena maʼin waya müleka aire wayuu wapüla jee aire waya apülawaa
Motuinjatü waaʼin saainjala wayuu wamüin
Üttakuʼu müle waaʼin otta jashichikuʼu wamüle, nnojoleena waya talatüin otta ayuuijeena waya.
Watüjaainjatü aaʼu kasapülajanain nukumajaka waya Maleiwa
Süpüla talatüinjatüin waaʼin, choʼujaashaatasü watüjaainjatüin saaʼu tü shiimainkat süchiki tü wasakireʼerakalü anain waaʼin.
Tü kasa anasü waʼatapajakat
Watta naalii na nnojoliikana talatüin aaʼin sutuma nnojoluin natüjaain aaʼu jameerüin nakuwaʼipa otta sukuwaʼipa napüshi mapa.
Sooʼomüin pütchi süchiki tü wopu talatakalü atuma waaʼin
Eesü tü kasa talatakalü atuma saaʼin wayuu otta tü nnojotkat talatüin atuma saaʼin. Pikirajaa süchiki wanee kasa akaaliinjeechika pia süpüla eejiraain pia sümaa tü shapaakalü atuma paaʼin.
